遇見Blog 友

放工後去左Sogo 的超市, 當我在cashier 比錢的時候遇見一個喜歡日本的blog 友, 寫左咁耐blog 都係第一次遇到, 呢個世界真係細。

明天開始有3日假, 不過要返中山探親, 好彩新開了一間Crown Plaza Hotel, 好似係Intercontinental Hotels Group, 希望住得舒服啦!

From Crown Plaza Hotel web-site:

 

印傭

屋企個印傭會在12月頭約滿2年, 前幾個月己經問佢留低或是離開, 佢話可以留低, 個時都只係想問清楚, 因為聽人講好多印傭返咗去印尼唔返香港, 而我個印傭都不是太差, 只係有時態度唔好, 所以同佢續約都不是問題。不過前幾日又話佢爸爸要佢返印尼, 所以星期二巳經第一時間找agent, 今次都係想找只係星加坡做過的印傭有照顧過1歲及4歲的小朋友。 agent話原來現在星加坡人口老化, 所以很小印傭有照顧過初生嬰兒同幾歲小朋友的經驗, 不知道是否真的。最後我只好找了一個照顧過10歲的小朋友的印傭, 有些有照顧幾歲小朋友的經驗, 但係個樣實在太嚇人了, 現在請工人真係麻煩喇。D工人有工都唔做, 都唔知佢哋唸咩嘢, 好似我個case, 可能要照顧兩個小朋友, 佢怕辛苦唔做....

開Blog啦

最近睇咗好多日遊的Blog, 所以都好想整番個, 以前未有小朋友每年都有至少一次旅行, 自從1998年復活節去完東京+大阪後就愛上日本啦。同年的十月去咗九州。2004年11月生咗大仔, 所以冇得去, 2007年生咗細仔, 所以都冇得去。不過05同06年尾都去咗北海道+東京一轉, 但係當時大仔太細所以留在香港, 不過06年9月都有同佢去New Zealand。 今年年尾大仔剛剛4歲, 所以準備帶佢去北海道+東京, 細仔就等佢大小小先啦。現在整理06年尾的遊記, 遲D先有得睇。希望我有恆心寫啦。