2008年7月26日星期六

Mega Box - Doraemon

July 26, 2008

昨日在頭條見到Mega Box 有Doraemon 展, 於是就帶2個囝囝去睇吓, 而且大仔都好鍾意多啦A夢, 最近成日都睇佢的movie。我哋大約11時多巳經到達Mega Box, 不是很多人, 都好容易影到相, 不過到下午的時候就有很多人了。




這個場景下午時比好多盆花圍住, 冇得行近影, 好彩我哋在早上影咗














頭先睡覺, 現在到我影番張喇










2008年7月25日星期五

北海道+東京 2006-07 (第八天) 東京 --> 香港

Jan 6, 2008

終於到咗行程最後一日, 實在有點兒唔捨得, 冇辦法啦, 下次希望可以帶埋囝囝一齊再嚟過啦。由於今次都無行過新宿, 所以食完早餐之後,放低行李o係酒店就急急走去新宿的百貨公司睇吓, 算係最後衝刺啦.... 可惜今早落雨, 路濕地滑, 真係唔方便。我們先去小田急間Agnes b走一轉, 話咁快老公就買咗個袋, 因為平過o係香港買成五百蚊, 跟住去埋01City同Isetan。午餐就去咗一間百貨公司樓上個d食店食, 味道麻麻啦, 去呢d舖頭到唔可以要求太高, , 所以連名都唔記得囉。行到大約2:00pm就返酒店等坐機場巴士去成田機場。今次唔知行李有冇過重呢, 因為有箱北海道食物都成6kg, 求神拜佛希望唔好超重, 好彩都冇問題過到關, 點解咁順利? 原因係我地將d重o既野用手拎上機囉 (苦笑....) 日本呀日本, 希望好快又可以再同你見面啦。

我哋個午餐









北海道+東京 2006-07 (第七天) 原宿, 涉谷

Jan 5, 2007

今日都好似以往一樣都係坐JR去原宿, 然後步行去涉谷,呢條路線純粹shopping, 沿途名店林立。首要任務係去Gap買衫比囝囝,同去Kiddy Land睇下有無新奇得意野。行行吓見到Omotesando Hills, 知道開o左無耐, 咪入去睇下囉, 比我估中, 真係冇嘢買, 太貴喇, 不過個厠所就真係好新。行去涉谷的途中有間好大啲Uniqlo, 有幾層的, 行前小小又有我至愛的Burberry Blue Label, 二話不說, 當然飛奔入去買番條裙啦, 習慣助每次路過都會買一條, hehe. . . 今次我老公着咗件2年前係果度買o既衫, 個Black Label sales竟然認得係2年前啲貨,你話佢幾專業. . . .  不過我就覺得Black Label 啲sales 比Blue Label 女裝啲sales 更加好人,可能係女裝果邊太多人比較煩啦。涉谷其實都係行0101, 01City呢d, 之後就去咗上野買手信。夜晚就返新宿挾公仔(都係指定動作)。

Omotesando Hills







北海道+東京 2006-07 (第六天) 札幌 -- 東京

Jan 4, 2007

今早要離開札幌了, 要預留一些時間去千歲機場再行過, 如果有咩嘢未買都可以在這機場搵到, 因為呢個機場實在太多嘢買啦, 尤其係我喜歡o既Hello Kitty, 比狸小路更多, 但可借狸小路有discount,呢度無, 不然的話一定來到機場先大量入貨。離開札幌之後會去東京, 今次o係東京會住新宿o既Keio Plaza, 喜歡佢的房間夠大, 雖然行去JR站要成5-8分鐘, 但都ok啦, 起碼有機場巴士直達丫麻 (懶推行李)。下午到達酒店後便去咗池袋同埋銀座。係池袋東武買咗GODIVA雪糕食, 不過都幾大盒, 食完都要花一段時間。 今次遲咗返東京, 平時1号返東京, 2号掃貨, 所以好多衫都比人買咗。

GODIVA 雪糕




去銀座為的是買GUCCI朱古力, 可惜最平的四位裝己經比人買晒, 剩低最貴個款, 而且得番2盒, 同老公相量完,決定買晒佢剩低個2盒,做手信都好丫,不過下次真係要買請早喇。

GUCCI 朱古力















北海道+東京 2006-07 (第五天) 札幌

Jan 3, 2007

早上在東橫Inn吃過飯團早餐(唔使另外比錢架,仲係任食添,味道方面...飯一舊囉)就check out 去shopping。先在大通附近搵locker放低件行李, 途中比我發現咗木村的poster, of course 一定影低佢啦。




百貨公司啲Kitty




是日都只係shopping 所以冇影相。

北海道 + 東京 2006-07 (第四天) 川湯温泉-- 綱走 -- 札幌

Jan 2, 2008

吃過酒店的自助早餐就到附近行吓, 風景都十分美, 有厚厚的積雪。原先今晚會在釧路過夜, 但是昨日巳經行過, 加上沒有什麼特別, 所以決定去綱走, 不想浪費JR Pass。可惜昨晚係網上check 咗今日只有網走監獄開, 雖然係咁,但都照去,希望會o係網走有意外驚喜。到達網走時因為未有巴士, 所以在巴士站對面o既餐廳食午餐。突然醒起我地已經book咗釧路既東橫Inn,諗住唔想走會頭路返去住,於是我老公就用咗佢有限o既日文打電話去東橫Inn退房,過程都尚算順利,其實最緊要係唔好比日本仔覺得香港人係唔負責任丫麻 (當其時係無諗過今晚會住o係邊....)。吃過午餐就出發去網走監獄, 可能是假期關係加上又是冬天凍冰冰, 所以園內都係得個小貓三四隻(加埋我地), 行咗大約2個幾鍾就返出門口等巴士返JR網走站。那麽今晚住邊呢? 最奇怪就係網走駅附近的酒店都關門, 又因為不想浪費時間, 所以決定返札幌, 諗住去薄野新開o既東橫Inn碰吓運氣啦。不過在JR站都坐咗大約個幾鐘先有火車, 當晚差不多10:45pm才到達札幌, 跟住乘的士往薄野的東橫Inn, 去到時職員話洒店full咗, 心想不如返Grand Hotel 試吓有冇房啦, 突然另一個職員話有一間房可以比我地,可能有人book咗冇來啦,話之佢,  我地今晚終於都有棲身之所喇。

川湯温泉




呢個係浸腳o架






等巴士返JR川湯駅隔離有個相樸館




JR川湯駅  - 簡陋無比. . .不過我鐘意. . .










綱走




綱走監獄



















真係人蹟罕見....




北海道 + 東京 2006-07 (第三天) 札幌→釧路→ 川湯温泉

Jan 1, 2007

吃過早餐跟住放低大件行李o係酒店, 然後乘9:05amJR往釧路諗住去睇丹頂鶴, 13:03到達釧路。跟住搵去鶴見台o既巴士, 之前check咗13:25應該有巴士, 但可惜今日是1月1日定休日,所以冇巴士去鶴見台,失望......因為plan咗15:48搭JR去川湯駅,唯有o係釧路行吓算 。釧路其實都沒有什麽特別, 由於係假期,所以好多商店都無開,唯有window-shopping啦。到咗大約15:30就回到釧路駅乘JR去川湯, 17:22就到達JR川湯駅, 跟住乘17:25的巴士去川湯温泉。今晚將會入住川湯観光ホテル。

札幌JR站 (後面的人排隊等開門買福袋)




JR的便當,雖然唔算好食,仲係凍冰冰添,不過我要求唔高,都ok啦...













釧路駅




去唔到睇丹頂鶴都影番個模型




條街真係靜到......




幣舞橋









呢個牌匾可以睇到D反影,幾得意




條河見到有D浮冰




晚上的懷石料理,HELLO KITTY 都有份