北海道+東京 2008 X'mas 之旅 (Day 7) Part III

12月24日 平安夜

離開咗Kidzania 就係Lalaport 行吓, 原來下午個section 勁多人, 好多一家大細巳經坐咗係門口等入去, 條龍仲長到睇唔到龍尾, 不過可能早上個section 都係咁, 而因為我哋過咗10am才到Kidzania, 所以睇唔到。行咗一陣又收到妹妹的email, 約咗喺有樂町的Marui Building等, 其實即係0101百貨店。行咗一陣就去咗阪急的Agnes b, 好出奇地Agnes b 有減價貨, 以前1月2日後先有減價, 現在12月尾巳經有, 不過減價貨唔靚, 所以只買咗個Agnes b 環保袋同一些飾物做手信。之後就去西銀座, H & M, 博品館, Burberry Blue Label, 然後就食晚飯。食緊飯仔仔要搵周公, 因為今日佢太攰同我哋太晚才吃飯, 咪諗住放佢落車仔訓囉，以為佢可以一路訓到返酒店, 點知去到了車站突然勁喊同要抱, 於是就搵咗架的士返酒店, 成2千7百幾円呀。

0101 百貨店門口的X'mas tree 放緊人造雪

西銀座的Hello Kitty shop

睇電視見到福山雅治

是日晚餐 (仔仔其實已經無乜表情)

北海道+東京 2008 X'mas 之旅 (Day 7) Part II

12月24日 平安夜

食完個pizza再係MOS Burger 買嘢食, 之後仔仔又要開工喇。不過今次要比錢先可以玩, 就係Wall Painting, 可以係牆上填顏色。間中個工作人員又同仔仔影相, 仲教佢擺姿勢添。之後見機師唔係咁多人排, 於是就去排, 結果都要排成50分鐘, 好在有部NDS, 不然的話, 仔仔就要呆坐。

排隊等做pilot

返完工, 又有錢收

裡面o既百貨公司只準小朋友入, 大人只可在出面等, 由於仔仔太細, 佢又唔知有幾多錢同可以買咩嘢, 所以亂咁揀咗幾樣嘢, 但其實佢係唔夠錢買架, 好彩排隊的時候工作人員見佢細個, 就幫佢另外check 吓D嘢，最後，仔仔只係夠錢買左一樣野乍

仲有間銀行, 因為我哋唔係成日來, 所以仔仔冇入去存錢

Lalaport

北海道+東京 2008 X'mas 之旅 (Day 7) Part I

12月24日 平安夜

半年前巳經係網上book咗今日去Kidzania, 我哋book左上午個section, 即係10am to 3pm。一出Sunroute Hotel 門口唔洗30秒就有個都營新宿線入口, 十分方便。由新宿去Kidzania要搭都營新宿線去"市ケ谷"然後轉有樂町線往"新木場"方向就可以到"豐洲站"。車程大約半小時, 車費290円。係豐洲駅搵 Exit 2 一出地面就係消防局, 直行望左邊就可以見到 Lalaport。  而Kidzania 就係 Lalaport main tower 3 樓。去到的時候巳經10:10am, 所以唔洗排隊, 比咗張email confirmation佢地，跟住就check 我張visa card (之前用visa card比錢, 所以去的時候記得帶果張visa card 呀)就入得喇。入到去見到做機師個counter, 不過要排成個半鐘, 所以就搵到做攝影師, 只須排30分鐘。

準備做攝影師, 要寫名先

影張大合照先, 跟住就可以出去周圍影相喇

Print 相

做完工, 有錢收, 不過D錢只可以在Kidzania 用

左面個張係仔仔影的, 一人可以choose一張print 出來, 其餘的就放在index一齊print出來

準備整pizza, 排咗成40分鐘呀

row row row.....

話咁快就完成(個pizza底), 跟住放toppings就可放入焗爐, 我哋係出面睇住仔仔放toppings放咗好多, 要麻煩個工作人員幫佢拎翻D出嚟

拎翻個Pizza同收錢先

食得喇, 都唔錯, 有水準

北海道+東京 2008 X'mas 之旅 (Day 6) Part III

12日23日

個山洞入面有好多火車睇, 到最後仲有個相機會幫我哋影相, 因為之前睇人哋個Blog知有d咁既野, 所以好自然識得臨尾去擺甫士，不然的話就miss咗喇。

用朱古力做的

望到富士山

哈姆太郎單車, 仔仔隻腳唔夠長, 所以只得老公一個人踩, 所以都幾攰

無野做，等我變下超人先......

Oh, 比人發現咗我啦, 點算好....

返到新宿都只係5點幾, 正呀, 即係仲有時間shopping啦, 一出站就去匆咗入Lumine, 行咗一陣就去高島屋, 因為收到妹妹的email, 佢哋大約6時多會由outlet返到新宿, 所以就約佢哋去Time Squares 食晚飯。講真, 有個blackberry跟身真係幾方便。

高島屋的poster

高島屋的restaurant floor, 我哋又係揾間小人排隊的

食完飯就去夾公仔, 行行吓見有間鋪頭出面有Melody拑, 仔仔即刻話Miss Au 鍾意Melody, 咪叫老公幫佢夾吓囉

試左幾次，好彩都夾到一個, 原來d機鋪係唔比好似仔仔咁細個o既入去架, 我哋初初推架BB車入去, 個職員話唔入得, 我哋以為間鋪頭太細, 唔比BB車入, 點知去到另一間先發現係小朋友唔入得, 無得再拑公仔，唯有返酒店早點休息啦。

架BB車真係好好用, 以前要拎到一袋二袋, 現在就可以放晒o係架BB車, 我哋仲突登拎架扎實啲o既BB車, 另外輕巧啲果架combi就留番o係香港比細佬用, 因為驚架combi太輕, 放得太多嘢會反車呀。

部份戰利品, 實在太喜歡o係Gap買小朋友衫, 不過高島屋間Gap太細, 買得無咁開心，不過就可以退稅, 之後會再去原宿果個間買過。