2010年11月29日星期一

大阪, 京都, 福井聖誕之旅 2010 (行程篇)

今年年尾原本冇諗住去日本, 但9月1日大仔的小一時間表出咗之後又心思思, 因佢聖誕之前考試, 所以考完都可以去個short trip。諗住計劃去7日,  但9月先book可能會冇位, 因以往聖誕去日本半年前就book 定...  最後發現果然好多日本地方都full 哂, 只有CX去大阪先可以confirm 來回程都有機位, 但要早機返, 無所謂啦, 有得去就ok... 


最初諗住去京板神+有馬溫泉, 同去嵐山坐吓小火車, 加埋去大阪甲子園的Kidzania, 諗諗吓發覺細佬仲係細, 4歲先去Kidzania 好似好d, 搵吓搵吓又發現福井縣有個ski resort, 仲有恐竜博物館(啱晒大仔), 附近又有温泉浸(芦原温泉), 所以最後決定去大阪, 京都, 福井。


原本冇諗住在福井租車, 因ski resort hotel 同溫泉酒店都有free shuttle bus, 但福井縣的景點搭車好似唔係咁方便, 所以最後都決定租, 初頭有諗過係京都租, 但係福井租有好處, 免費包埋雪呔, 慳返Yen6,300, 另外發現如係京都租, 個GPS係冇得入map code 架。


恐竜博物館


「恐竜の世界」


From http://www.dinosaur.pref.fukui.jp/


photo


From http://www.291yamagiwa.com/020_what/what.php


行程:


Day 1 香港--> 大阪 --> 京都 (宿: リーガロイヤルホテル京都)


搭CX早機去大阪, 落機後搭はるか(Haruka) 去京都 (1 hr 16 mins)


Rihga Kyoto 有free shuttle bus 係京都駅接送, 雖然由車站行過去只係7分鐘, 但係攞住行李都係坐shuttle bus舒服d


Day 2 京都 --> 福井Skijam (宿: ホテルハーヴェストスキージャム勝山)


早上係京都搭特急サンダーバード, 1 hour 28 mins 到福井, 然後去Nippon Rent-A-Car 取車, 原本租咗架Nissan Wingroad, 但有blogger話Nissan 個GPS 唔係咁好, check 番, Wingroad 果然係冇map code(雖然多數入電話, 但係有map code 好似感覺上安全d), 所以cancel 咗Wingroad, 好彩又搵到Nippon 有Honda Insight, 不過到時取車唔知係咪比番架Honda Insight我哋呢


住ホテルハーヴェストスキージャム勝山, 貪佢隔離有ski 埸, 酒店入面又有露天風呂, 最主要係小朋友又可以玩雪


勝山東急リゾート ホテルハーヴェストスキージャム勝山:露天風呂夕景
From Jalan: 露天風呂夕景


Day 3: 福井Skijam --> 恐竜博物館 --> 東尋坊 --> 雄島大橋 -->  芦原温泉 (宿: 芦原国際ホテル美松)


由福井Skijam 去恐竜博物館然後再去東尋坊等地方如果搭巴士加火車真係唔方便, 所以先決定要租車


住美松係因為房間有私人露天風呂, 仲有個special plan (available from Dec 20 to Dec 24), 就係入住的小朋友免費, 最多2位, 對我哋黎講真係慳唔少, 不過晚餐係普通料理, 好似有幾隻蟹腳, 魚生等... 唔緊要啦最緊要抵


原本一早book 咗另一間有蟹晚餐, 但上星期發現美松有呢個plan, 而且美松個房間+露天風呂吸引 d, 所以cancel 咗之前個間



From Jalan


Day 4: 芦原温泉 --> 福井県児童科学館 --> 福井駅 --> 京都 (宿: リーガロイヤルホテル京都)


去完児童科学館下午返福井還車, 然後係福井駅附近行吓, 之後搭特急サンダーバード返京都shopping或去其他景點


Day 5: 嵐山TOROKKO小火車 --> 烏丸, 河原町--> 錦市場 --> Ninja Kyoto/忍者京都迷宮殿 (宿: リーガロイヤルホテル京都)


早上去嵯峨嵐山乘TOROKKO小火車, 下午返烏丸, 河原町一帶hea吓, 晚上book 咗Ninja Kyoto 食晚餐


Day 6: 京都 --> Rinku Outlet (宿: ホテル日航関西空港)


早上係京都shopping, 去Aeon Mall 或其他景點, 下午去Rinku Outlet, 當晚入住日航関西空港酒店, 因第二朝早機, 方便小朋友唔洗咁早起身


Day 7: 乘早機返香港


 


16 則留言:

  1. 你啱啱先寫完個北海道+東京行程, 咁快又要準備去大阪, 真開心呀 ~~
    [版主回覆11/30/2010 15:12:00]係啱啱寫完沖繩+東京.....

    回覆刪除
  2. 哦, 今年唔去北海道 . . . .  哈哈, 福井Skijam ,  聽都未聽過, 好嘢, 又有新嘢玩  等你post 啦  . . . .
    [版主回覆11/30/2010 15:18:00]之前我都未聽過Skijam 架, 原來上internet 搵資料一流, 有意想不到的收穫, 可以搵到新地方/景點....今年唔去北海道住, 大仔已經去過2次冬天, 係時候去一d新地方.....

    回覆刪除
  3. 嘩! 又出埠了 ~ 真開心啊! (尤其是哥哥&細佬 ~ 又可無憂無慮玩餐飽啦!)
    [版主回覆12/01/2010 10:03:00]中咗日本毒嘛~

    回覆刪除
  4. 咁快又出發! 羨慕ING   咁快就編好行程, 好有效率
    [版主回覆12/01/2010 10:04:00]我好享受編行程的過程, 仲勤力過以前讀書呀!

    回覆刪除
  5. 你係單買機票, 再去JALAN book 酒店?
    我都唸其實我地2大2細組合, 應該買package好, 定分開買? 但有時淨機票都差唔多package價錢, 不過package 又唔容許2大2細一間房.
    [版主回覆12/01/2010 10:09:00]係呀, 因Jalan多酒店揀. 買package 會抵d, 如你在package見有心目中的酒店, 可send email 問吓酒店如book 一間twin room 會否接受加多2位小朋友, 你2個小朋友都好細, 應該no problem, 咁就可以買package 然後加多2張小朋友機票~

    回覆刪除
  6. 最近睇關西個邊d溫泉都好靚, 但好.....貴, 睇中個d都3.5-4萬一個人, 3條友住一晚過10萬, 想想都覺得痴線. 突然好想轉去關西呀. 你大仔都可以免費? 通常都見d小孩免費plan都註明5歲或小學生以下才免費, 我個仔咁好肉地想話佢未系小學生都無人信, 個70%真系好肉赤.
    [版主回覆11/30/2010 12:50:00]你睇中個d咁貴一定係食好野, Yen 咁貴我都係揀番d 中/中上的温泉酒店, 大仔今次住美松係免費, 因個plan 話 3-12歲的小學生可以免費住同包食(max 2 children), 但只限 Dec 20 to Dec 24 入住的guest. 其實住温泉酒店小朋友要包食多數要比錢, 有d連細仔唔夠3歲唔要床唔食都要比, 所以搵到間唔洗比真係very good, 但係呢d plan 未必啱你, 因我見你地通常食好嘢.....

    回覆刪除
  7. Wow~終於出手啦~
    [版主回覆12/01/2010 10:09:00]Welcome back, 等你post 遊記....

    回覆刪除
  8. hehe ... 我打錯野jet ...
    [版主回覆12/01/2010 10:10:00]我都想你係打錯野~

    回覆刪除
  9. 其實好味既野我地都食, 唔一定貴啦, 我地都有平有貴, 餐餐咁貴充破產了, 你呢間都好唔錯, 間房好掂, 又唔算好貴, 等你遊記睇下, 好的話考慮去住下...嘿嘿, 最好又有你呢個PLAN啦....抵
    [版主回覆12/01/2010 10:13:00]呢間有私人風呂叫做平架喇, 平時個d應該貴好多, 不過唔同地方的溫泉旅館有唔同收費, 比較出名的一定貴.....

    回覆刪除
  10. 又俾你引誘我即刻睇吓國泰假期日本邊樹重有機位, 可惜差不多係零, 就算有都係少量位去無位返  最後死咗條心算啦!
    [版主回覆12/01/2010 10:15:00]你忍吓啦, CNY你都去北海道, 依加book 緊係無位啦.....

    回覆刪除
  11. 好野又有旅行去,玩得開心D
    [版主回覆12/02/2010 09:53:00]多謝! 仲有好多嘢要預備架.....
     

    回覆刪除
  12. 真好. 又有日本去. 玩開心d呀!
    [版主回覆12/02/2010 09:55:00]京都有好多年冇去過, 而且福井又未去過, 所以都好期待~

    回覆刪除
  13. 電占 豆豆 幸の旅日 World ^^2010年12月9日 上午9:46

    好開心見到你揾到新景點呀 上網其實都是為了尋找新景點 , 或被人遺忘的
    帶小朋友住到有優惠嘅 , 真係去到感覺都唔同晒
    [版主回覆12/09/2010 14:35:00]一定要做功課搵吓新景點, 如果唔係冇新鮮感架!
    我都好想好似豆豆咁著吓和服, 可惜帶住小朋友就唔想為咗呢樣野要佢地等, 所以依加搵景點都要睇吓啱唔啱佢地去, 例如清水寺就唔去, 一想起搭完巴士行上去清水寺條路就怕怕, 等佢地大少少先去可能效果好d....

    回覆刪除
  14. 話時話,我哋真係好少用map code...通常入電話或入名都已経搵到… 點解唔直接去豊田網租啫?有指定車種同9折,有時冬天有promote有special offer ,平過其他租車網的… 揸開豊田,個人認為各方面都好過日産! 咦,細仔喺日本過白色生日喎,一定勁開心啦~
    [版主回覆12/09/2010 14:26:00]其實比較喜歡Honda, Toyota 都唔差, 有得揀會揀Honda 先....Toyota 好似得5% off ja....
     

    回覆刪除
  15. 啱啱睇晒你的沖繩+東京, 而家又plan 新行程, 真係羡慕死我喇!
    [版主回覆12/13/2010 09:54:00]冇辦法, 中咗日本毒, 不過日元高企, 會減少購物....

    回覆刪除
  16. 其實去福井, 飛大阪定飛名古屋方便D?
    [版主回覆02/16/2012 09:55:38]差唔多, 由名古屋去快大約20分鐘.......

    回覆刪除