2013年8月19日星期一

暑假北海道之旅2013 (Day 2 - Part III Fresh Powder Chalet)

July 21, 2013 (continue)

離開蔍鄉展望台揸半個鐘就到Furano Fresh Powder tel. 0167-23-4738
首先要去apartment office那边做check-in, 然後manager會揸車帶我地去chalet, 由apartment去只是1-2分鐘



chalet 的parking 只是門口對出一道斜路



一入到去就覺得好焗



於是乎盡量開晒d窗, 當manager 介紹緊既時候我就快手影低仲未亂的情況...







垃圾要分類, 剩餘的食物要用報紙包好先放入垃圾筒











呢層有2間房



呢間房的左面仲有間store room 放咗張bb床



另一間房



呢層的浴室



呢層的厠所



落一層有一間房及game room



濕氣好重, 所以有部抽濕機



Game room



再上一層有2間房








全屋只有呢間房有冷氣, 話因為呢間房長期有日光照住所以比軟熱





依加要講吓呢間屋有咩問題:
1. 聽人講富良野除了酒店之外好多住宿都冇冷氣, 所以比咗20% deposit 之後就send email confirm 下, 因為web-site 資料話有, 而且有jacuzzi, 點知回覆話資料錯咗(原來大部份人都唔睇資料的), 只有1間房+上層走廊位置有冷氣, chalet 就冇jacuzzi 的, 由於都比咗deposit 唯有算啦, 而且manager 話夏天20度左右晚間唔熱....... 可惜實際情況係晚間外面涼, 屋入面焗, 但係一開窗就有好多蚊同不知名昆蟲飛入黎, 所以要落"窗紗", 其他冇紗的窗就唔開, 結果團友要焗住訓...

2. 最低那層最涼, 但係陰涼, 所以冇團友想訓呢度, 又由於我地兩個小朋友仲細, 所以團友都讓間冷氣房比我地

3. 走廊的泠氣唔凍, 有等於冇

4. 熱水爐大問題: 第一晚試水發現冇熱水, manager過黎睇完搞番惦, 點知第二晚又唔得, 2位小團友沖沖下涼冇熱水, manager即call 左個日本仔黎整, 整完話個boiler 成40年無換過, 壞咗, 跟住教左我地如果再無水點reset個熱水爐.... so trouble... 個日本仔話巳經order咗個新boiler喎, 雖然唔關我事, 但都希望之後的住客冇呢d問題啦

5. 團友係門口空地影月光, 咁啱manager黎整boiler見到, 即刻話唔影得, 因為個方向會影到另一間屋, 那間屋的主人會唔鍾意人地影佢間屋喎... (下次大家有機會住就要留意喇)

雖然有咁多問題, 但小朋友話呢間屋好好玩喎! 基本上chalet 都好乾淨, 小團友訓晒之後大團友又可以係open kitchen 一邊傾計, 一邊煮蛋同整多士, 好warm, 如果每間房都有冷氣就更加好....


後園影番出黎

 









由後園行出去有一大片公用的草地



安頓好之後就去附近一間比較細的超市









之後就去福寿司, 預先叫manager幫我地book, 呢間的壽司大件夾抵食, 味道都ok

福寿司 (T: 0167-23-2617)
JR富良野駅から徒歩で約2分
















右邊那舊うに寿司超大件





安排左一間房比我地, 中途有一家三口香港人入黎坐過, 其餘時間都係包房














8 則留言:

  1. 呢間 chalet 環境唔錯呀 ! 環境夠大,我最喜歡佢o的床夠闊嘛 ! 我今次都住過一棟 house,床係有 4 張,但單人床呢,訓得幾辛苦下 !
    但呢間 chalet 冇冷氣就真係唔係咁好,始終係夏天,又多蚊蟲,況且今年北海道既夏天都熱o左唔少,最搞笑係月光都唔俾影 ( 向天應該唔會影到其他屋吧 ? )
    [版主回覆08/20/2013 10:08:41]其實好多外國地方夏天都冇泠氣, 但就冇咁多蚊蟲, 可以開大d窗, 但富良野太多蚊蟲, 令我地唔敢開大個窗......
    個月光係間屋上面, 所以影月光一定影到間屋, 不過如果boiler 冇壞, manager 冇黎整, 咁影咗都唔知, 最後去咗露台影囉!

    回覆刪除
  2. 舊年我住美瑛時,夜晚望一望個窗,成塊玻璃都黐滿飛蟲,都幾恐怖,好在我哋關咗窗
    香港人始終唔習慣無冷氣
    間屋真係幾乾淨,你哋咁大棚人,係要住apartment先好,成間屋自己人點嘈都唔怕
    [版主回覆08/20/2013 10:13:20]唔係點嘈都得架, manager 有講過前面有間民宿的主人(即刻唔鍾意人地影佢間屋個主人)唔鍾意chalet的人咁嘈, 唔知係咪之前chalet有人住過太嘈比民宿主人投訴, 所以小朋友玩得太大聲都要叫佢地細聲d, 比人投訴就唔好啦

    回覆刪除
  3. 富良野蚊蟲常見,佢地見光拍拍窗係小問題。

    我試過一間Pension,好出名嘅,去洗手間正在進行中,有大量昆蟲從馬桶飛上來,嚇死!
    [コーさん回覆08/20/2013 15:52:12]唔係呀,係以前果間

    富良野ラベンダー畑のある宿 歩風里(ポプリ)

    呢間「北海道旅遊全攻略」有介紹,依家好多人幫親。
    [版主回覆08/20/2013 15:48:02]睇介紹, 和室的洗手間ok喎, 是否cottage 的洗手間有問題? 我都試過住Niseko 的cottage, 不過好多年前, 又係個洗手間問題, have smell, 幾惨呀!
    [コーさん回覆08/20/2013 14:46:46]唔係壞。Pension建於田上面,用果隻好似我地郊野公園嘅馬桶,即是乾嘅,有塊活門果隻,有嘢跌落去就開一開。沖水只用好少水。

    話說唔好彩,張紙巾頂著咗,活門開咗合唔埋。室內有燈,長居於黑暗馬桶下嘅小昆蟲,緊係飛哂出來。

    間民宿係我北海道酒店介紹,以前住過,早晚餐份量好多果間。其實間Pension好潔淨,係個馬桶設計差D。
    [版主回覆08/20/2013 10:15:46]好恐怖!! 介唔介意講個名? 咁之後係咪好快整番好? 如果唔係點用洗手間呀!

    回覆刪除

  4. [版主回覆08/20/2013 15:43:33]咦, 即是好多pension 都有冷氣, 但冇獨立浴室廁所咋, 又要兩樣都有真係難揾, 仲有, 有d唔接待小朋友的, 試過問個間台灣人開的, 竟然唔覆我....

    回覆刪除
  5. 我都記得幾年前夏天去北海道搵有空調既住宿都搵左好耐, 超級怕熱既我真係唔熱得, 搵住宿地方第一條件就要有空調, 無獨立廁所我反對而接受到
    [版主回覆08/21/2013 10:18:16]我都揾左好耐先揾到唔洗同人share洗手間, 揾到cottage 但又唔鍾意, 所以花了好多時間揾富良野住宿, 同你相反, 我一定要有獨立廁所

    回覆刪除
  6. 我最欣賞chalet D房夠大, 及個open kitchen工具齊全及夠乾淨. 正如你所如每間房都有冷氣就更加好. 今次我哋都有入住一間係美瑛由台灣人開的民宿, 他們的服務周到及態度誠懇, 但仍缺少了"家"的感覺.
    [版主回覆08/22/2013 09:47:59]未住過民宿, 所以是否日本人打理的比較好些少? 或是日本人開的先有"家"的感覺?

    回覆刪除
  7. 咁大間又多房,好難保養o羅.
    我住美瑛 rental house 有冷氣㗎喎,好多 Pension 一樣有獨立冷氣.
    [jokelib回覆08/23/2013 15:26:58]咁又係,今次多人一定係依度好啲(假如全屋冷氣的話)
    [版主回覆08/23/2013 15:15:06]但好多pension 冇獨立廁所同浴室嘛
    原本book咗Natulux, 但貪chalet 大間, 所以cancel 咗Natulux

    回覆刪除
  8. 我都返咗嚟啦! Fresh Powder 我們上次住主樓有冷氣, 所以無呢個問題。 今次我都有住民宿, 因唔想再三度住Rusutsu Resort, 於是租了附近的pension。 都係無冷氣, 不過那天晚上不太熱, 只有19度, 所以接受到, 係要共用洗手間同洗面的地方好唔方便。 結論係, 民宿唔太適合我們, 主要係食方面你無得揀, 但唔食又好似好唔俾面, 唔想食都盡量食一半, 其實都唔係煮得唔好食, 而係唔啱口味!
    [zason 2T回覆08/27/2013 18:47:11]其實好耐以前都住過富良野的pension, 食方面都無出事, 所以今次都無特別提出要求, 諗住入鄉隨俗, 但估唔到個湯成個都係好"杰"的芝士, 可以話完全無湯的感覺, 香就好香, 但好滯, 煮那位又係民宿主人的媽媽, 我又唔想hurt老人家.....
    [版主回覆08/27/2013 10:04:54]Rusutsu Resort d 房要裝修下喇, 覺得咁的質數唔抵....
    共用洗手間洗面地方接受唔到, 共用浴室反而冇問題, 但要同唔識的人輪住沖涼又覺得好煩...
    咁可唔可以話比民宿主人知有那類食物唔食?

    回覆刪除