2012年2月13日星期一

北海道, 大阪聖誕之旅2011 (Day 3 - 帶廣)

December 24, 2011 (continue)


坐了大約55分鐘就到了帶廣,N年前黎過一次,估唔到依加仍然係咁冷清,一出車站就搵的士去北海道酒店, 你可能會問點解車站附近有咁多酒店選擇, 偏偏要揀間咁唔方便? 答案係因為佢特別, 設計師係世界上知名的建築家幗口裕康氏(Hiroyasu Higuchi), 而且外墙用的磚係用十勝土燒制成的磚, 客房都係用天然的素材....

酒店送比小朋友的小禮物, 有牙刷, 毛巾, 拖鞋, 海棉




一入門口左面係浴室加廁所,再推開門先係房間





Slipper Sheet




房間都算大





休息一陣就坐番的士去元祖 豚丼のぱんちょう 食炭燒豬肉飯, 佢7pm就收鋪喇






好彩入到去仲有張6人枱




我地叫咗一個"梅", 兩個"竹" (唔知有冇記錯) 再加兩碗湯, 熱食真係好好味, 不過凍咗就冇咁好味喇

豚丼 (華)¥1,250
豚丼(梅)¥1,050
豚丼(竹)¥950
豚丼 (松)¥850





食飽飽就行番去車站,樓下仲有鋪頭未關門, 就逛一陣,之後諗住去便利店買堵哩, 點知賣晒, 咁諗住行番出車站附近啦,結果都搵唔到便利店




不是太凍,-5度







豚丼のぶたはげ@車站



8時多大部份鋪頭都收咗, 所以又坐的士返酒店




酒店內有個小型教堂




二樓有ball rooms












搞掂小朋友就落去一樓的大浴場浸吓日本唯一的植物性「モール溫泉」



見冇人就影番張相先



9 則留言:

  1. 有冇走多幾步去幸福站?
    [版主回覆02/14/2012 10:23:27]j 少, 你點知我會再去三余庵? 哈哈....
    [jokelib回覆02/14/2012 09:46:32]假的幸福站係小朋友版, 幾得意.
    下次去三余庵時記得去.
    [版主回覆02/13/2012 14:44:59]唉, 你講ESTA 入面個幸福站? 我當時已經唔記得咗, 掛住搵便利店, 第二日又趕住搭三余庵的shuttle bus, 離開帶廣個日又趕火車, 只可留待下次, 有藉口去多一次....

    回覆刪除
  2. 每次去日本都想搵好味既豚丼, 見到你d 真係好正, 又唔太貴.
    [Nerissa回覆11/09/2012 13:22:27]係太夜關咗門啫, 放心去吧.
    [版主回覆11/08/2012 16:43:00]你意思係太夜所以closed 咗, 唔係冇咗呀
    我諗住下個月尾去試呀!
    [Nerissa回覆11/08/2012 15:27:46]今次去到間六花亭已經閉咗店, 只係去咗柳月買咗少少野食咋.
    [版主回覆02/15/2012 09:34:13]艾蓮, 多謝你一路有睇開, 咁我就努力d寫啦!
    [艾蓮回覆02/14/2012 15:50:43]Niseko2000>我同你一樣呀, 都係响北廣島OUTLET度ENCORE咗個豚丼呀, 豚丼D肉好味, 汁好味, 令到D飯更好味, 好掛住呀^^ P.S.我唔記得我有無留過言添, 不過我一路有睇開你個BLOG架, 你就當我係你既"隱形FANS"喇^^
    [小肥回覆02/13/2012 16:32:21]嘿 . . .我食完元祖, 要行去食六花亭呀 . . .留肚囉. . .^O^
    [版主回覆02/13/2012 14:40:44]Nerisaa: 因太懷念豚丼, 所以係北廣島outlet 又食多次.....
    小肥: 你唔似咁細食喎....
    [小肥回覆02/13/2012 14:13:03]哈哈. . 我都系食"松" . . .少食多滋味 . . .^O^

    回覆刪除
  3. 我唔知幾時先可以再去北海道...嘿嘿, 帶廣都未去呀
    [小肥回覆02/13/2012 16:31:28]哈哈- - 都啱.
    小肥羊: 唔著BOOT 都要著厚襪呀 . . .哈哈哈 ^O^
    [版主回覆02/13/2012 14:37:47]小肥: 韓國都有得買BOOT架, 唔一定北海道, 講開如果冇雪都可以唔洗著BOOT, 着heatech sock 都得架, hehe....
    [版主回覆02/13/2012 14:34:56]小肥羊: 北海道我都仲有好多地方未去, 例如知床....其實去帶廣都係為咗三余庵咋
    [小肥回覆02/13/2012 14:11:42]去嗰陣咪買多對BOOT 囉. . .^ ^

    回覆刪除
  4. 我去帶廣時直頭冇留意到原來車站有間豚丼のぶたはげ呀 ! 完全係冇做功課兼發雞盲,可能凍傻左 ! 哈哈 ~ 話時話,帶廣真係冇野行的
    [版主回覆02/14/2012 14:27:43]小肥: COLA 懷舊店? 未聽過, 係边架......每個人想睇和做的都唔同, 可能你覺得想做, 人地未必覺得想做, 所以唔洗咁大反應......旧幸福駅我都想去, 不過要坐巴士去比較遠, 揸車好似快好多, 不過冬天又唔prefer 揸車, 所以要等有機會夏天先去了......
    [ck 鼠回覆02/14/2012 13:09:15]聽落真係唔錯喎 ~ 我果時睇旅遊書,帶廣既資料唔多,又唔夠你地咁勤力會上網搵料丫嘛,知道有六花亭店但又冇時間去,所以帶廣對我黎講都幾一片空白的……有機會的話,我想夏天或秋天去多次道東及道北一帶呢 !
    [小肥回覆02/14/2012 12:55:56]嘿 - 帶廣無嘢行 ?_? . . .有動物公仔週街影, 有六花亭又食又買, 有北之屋台晚上行, 有COLA 懷舊店, 去旧幸福駅影相搞鐘, 有おびひろ動物園 充滿荔園FEEL, 八千代牧場可以玩羊食BBQ, 岩内仙峽有紅葉. . . 嘿 . . .仲有好多未寫完 ^ ^ 浸溫泉同食豚丼就更加出夠啦. . 哈哈哈. . .GO, GO, GO . . . .
    [版主回覆02/14/2012 10:27:45]話時話, 我試過係帶廣(車站附近有間老土百貨店)買2本Hello Kitty 相薄, 好大本好重個款, 真係冇諗過買到野.....miss 咗唔緊要, 下次再去過.....

    回覆刪除
  5. 唔知依間酒店夏天貴唔貴呢?
    [3J 家庭回覆03/27/2012 19:22:02]我上個星期終於响Jalan book 咗喇,同你一樣係superior twin,3個人連早餐要成23,400yen,已經係最平30日前早割plan,都幾貴...
    [版主回覆02/14/2012 10:28:47]OH, 真係唔知呀, 不過通常夏天貴過冬天.......

    回覆刪除
  6. 那豚丼看來唔錯喎 !
    [版主回覆02/14/2012 10:30:13]真係唔錯, 其實我喜歡食菜多d, 不過呢款豚丼又真係唔錯......

    回覆刪除
  7. 酒店好體貼, 小朋友禮物好正.
    [版主回覆02/16/2012 09:57:26]我都想要, 雖然黃色拖鞋好普通, 但唔知點解好鍾意, 可能平時見的都係白色.....

    回覆刪除
  8. 酒店唔係木地板嘅? 我在網頁看到木地板的酒店房而被吸引了。 唯一的植物溫泉浸完有咩feel呀?
    [版主回覆02/17/2012 09:24:57]我地個間係普通房, 木地板係另外一種房, 浸完覺得皮膚好滑, 同三余庵的溫泉水一樣......

    回覆刪除
  9. 帶廣我之前都諗過去, 我幾鐘意日本呢種小城仔, 靜,但靜得黎又唔會似農村咁難搵食,

    你呢間酒店好大呀, 連洗手間都好濶落呀, 正
    [版主回覆07/28/2012 14:09:34]係呀,帶廣比較靜,又唔多人,行得好舒服,又有野食,真的唔錯

    回覆刪除