原本的北海道之旅係3月尾已經取消了, 改咗去新加坡, 今次全家總動員, 成十幾人齊齊去, 對上一次已經係N年前的Hawaii之旅喇, 所以今次好期待。唔同去日本, 一早要plan哂行程, 今次主要係去Sentosa hea 吓同試吓Marina Bay Sands 個Skypark Infinity Pool, 仲有去吓Zoo, Science Centre.... 至於Night Safari 就未必去喇, 因細佬要早休息。其他景點睇吓天氣如何才決定, 太熱的話返酒店游下水或是行shopping mall 就算。
Sentosa 有好多新酒店選擇, 最初都有諗過Hard Rock 同Festive Hotel, 但好似比較多人, 而我哋比較喜歡resort style, 方便小朋友玩, 所以最終揀咗3晚住Shangri-La Rasa Sentosa, 入住的guest 有免費internet, 小朋友有免費早餐, 睇落比Marina Bay Sands 抵。Shangri-la 仲翻新過, 今年初先重開, 屋企人舊年去果時都冇得住。酒店對出仲有個 Siloso Beach, 所以真係啱晒小朋友。
From Hotel web-site
另外2晚住Sands, 就係為咗下面個Skypark Infinity Pool, 如果唔係, 咁既價錢出面其實有好多選擇囉....Sands房間係冇Internet Access (可能我個package無包), SG$15 per hour or SG$30 for 24 hours. 小朋友食早餐要比錢, 六歲以下就好似唔洗。房間有很多類, 只知道Atrium Room upto 22/F, Horizon Room 係由23/F 開始, 仲有Club Room and Suites etc.... 如果老公用Corporate Rate book 就有free interenet access, 但要另外比錢食早餐 (Corporate rate: SGD30++), join package 就包早餐, 最終都係揀咗join package, 所以唔expcet 房間有幾正。聽講低層房間大少少有浴缸, 高層的細少少得企缸。
今次又係搭CX, 原本book 咗星航, 諗住試一程A380 (因時間差), 點知book 完1星期後要比哂錢, 所以最終都係搭CX。
成十幾人一齊去旅行,真係好難得,咁樣去邊度都好玩啦!
回覆刪除[版主回覆07/01/2011 23:28:00]你講得好啱呀,所以都冇特別plan 行程.
哈哈, 原來好多人日本以外第二個選擇都係新加坡, 我地11號出發喇.
回覆刪除[版主回覆07/01/2011 23:30:00]真係好啱喎,因為新加坡比較乾淨....
嘿 . . .日本以外第二個選擇都係新加坡 . . . 我都系 呀, 千其唔好去Science Centre 旁嘅人工雪道 . . . 一定失望
回覆刪除[版主回覆07/01/2011 23:34:00]我都知有個人工雪道,緊係唔去啦,留番去曰本嘛
Have a good trip!!
回覆刪除[版主回覆07/01/2011 23:34:00]Thank you!
新加坡有很多特色之景點值得一遊....
回覆刪除[版主回覆07/01/2011 23:36:00]不過唔知可以去到幾多景點....
你地都去SING, 我就6月頭去完返黎, 去了8日, HEA住玩都OK, 無咩悶場, 不過天氣就真係熱得要死 要有心理準備係熱過HK好多 我係邊行邊搵冷氣地方先搞得掂
回覆刪除[版主回覆07/04/2011 09:37:00]我都知會好熱, N年前6月中去都熱到死, 所以今次都冇特別plan, 只係上網買咗Universal Studio 的ticket, 唔緊要, 沖繩咁熱都冇問題, 不過希望唔好成日落雨.......
新加坡呢排都好hit, 不過我怕熱 一家人去旅行好難得, have a nice trip!
回覆刪除[版主回覆07/06/2011 09:56:00]因為之前311事件好多人由日本改咗去新加坡
怕熱所以你11月先去日本? 真係好掛住日本, 希望聖誕可以再去.......
你幾時返呀?我都會有一晚住香格里拉,好期待啊!
回覆刪除我都係12人一齊去,好開心又有少少頭痛......
玩得開心D,返到嚟分享吓吖!
[版主回覆07/21/2011 09:35:00]啱啱返咗黎, Shangri-la Rasa Sentosa 好多人, 好多一家大細, 都有唔少香港人, 你玩得開心d啦!
有小朋友通常唔係日本, 台灣就是星加坡, 因為給人安全的感覺, 我已經有八,九年無去, 全部都唔同晒.
回覆刪除[版主回覆10/10/2011 17:13:15]但新加坡又安全同乾淨過台灣, 所以台灣都係遲d先諗, 始終都係鍾意日本....