日元高企, 已經減少咗購物, 所以今次只有60kg......
福井的名物[羽二重餅], 好好食架
越前福井自古以來就是以絲織品的城市而繁榮興盛的。其中,特別是有光澤的「羽二重」以高級絲綢著名,廣受喜愛。而仿照「羽二重」的優雅質感做成的和菓子就是「羽二重餅」。恰到好處的甜味和細緻柔軟的口感是羽二重餅的最獨特的地方。
McDonald 買餐送的food strap
不過早餐只有下面兩款
北川景子近期好hit, 好多本雜誌都搵佢做cover
Smart Feb issue 送的AX 袋
Mini Feb issue 送的X-girl 袋
Skijam 的T-shirt
少量的kitty 產品, 主要係福井限定和Ninja Kyoto
新出的Agnes b ab heart logo 袋, 貪佢夠輕
連兩條帶都有ab heart logo, 不過影唔到
網上訂的衫
Happy New Year 2011
回覆刪除你去京都是幾多度呀 ? 有冇見到雪...
小朋友旅行病...真係要改行程
羽二重餅好味 , record 先
[版主回覆01/03/2011 09:58:00]京都日間大約5-7度, 夜晚得3度咋, 冇落雪, 不過我哋走咗之後就落雪...
ninja kitty 好得意呀~
回覆刪除[版主回覆01/03/2011 09:59:00]不過唔知係咪在Ninja Kyoto 先有得賣.....
吚...點解會有Calbee北海道限定薯條 ge?
回覆刪除[版主回覆01/03/2011 10:01:00]哈哈, 係關西機場有得賣, Yen800, 唔洗比tax, 冇限買幾多, 仲有白之戀人和Royce Chocolate 添
嘩! 你咁都叫買得少 我以為會真係好少添 我就真係唔駛旨意有得買lu
回覆刪除[版主回覆01/03/2011 10:05:00]因為比之前買少咗, 可能以前太跨張....., 連大的旅行袋都唔洗用, 所以真係少咗架喇! 如果我好似你住得咁豪都冇得買lu....
good!
回覆刪除[版主回覆01/03/2011 10:06:00]唉, 仲追緊你個blog...
旅行病真係好慘,尤其係小朋友!
回覆刪除噤都叫買得少,不過,買野係女人的專利!
[版主回覆01/03/2011 10:07:00]因為比之前買少咗, 可能以前太跨張....., 連大的旅行袋都唔洗用, 所以真係少咗架喇!
其實只要有足夠休息, 小朋友可以好快recover...
哈哈 . . .我都返嚟啦. 好彩你地回香港早一點, 我在12月31日看到日本西部和東北有大風雪, 包括福井. . . .有列車被困雪中一整天, 大家要在車上渡過呢
回覆刪除[版主回覆01/03/2011 10:10:00]我去福井時冇雪, 連滑雪場都唔夠雪, 不過日本好似31日同1日1日大風雪......
我睇中你盒 KitKat, 分個獨立包裝的"吉"盒比我啦
回覆刪除[版主回覆01/03/2011 10:20:00]個種KitKat有3隻味, 我驚香港有得賣, 所以只買一隻味, 你喜歡收集KitKat盒?
" 你喜歡收集KitKat盒" <-- yes! 不過睇唔清楚係咩味~
回覆刪除[版主回覆01/03/2011 10:48:00]check FB la, I uploaded photo.
唔駛追喎...
回覆刪除個D 羽二重餅食落係咪好似草餅咁?
[版主回覆01/03/2011 16:54:00]係呀, 好似草餅, 不過重軟過草餅......
我覺得大阪個邊比東京凍, 你買得一d都唔少啦, 你食宿都唔差都好豪呀, 你買左好多gap. 好平? 我希望自己忍到手唔買衫比個仔, 因為我已上網訂左好多, 再買唔知擺邊到.
回覆刪除福井料理有咩好食...介紹下, 你下次去淡路島?
[版主回覆01/03/2011 17:12:00]其實有d係手信, 要分出去架, 好似Yojiya 的Lip Balm, 我一盒都冇要, 因仲有一盒未用完, GAP 有d係老公, 一件GAP我都冇買, 去GAP主要買fleece 比小朋友, GAP 有40% off on original price and discounted price, 又唔算好平, 不過香港冇得賣....好彩唔見Comme Sa, 如果唔係又要忍手...
我比較喜歡shopping, 所以冇特別搵福井料理食, 如果你想知就睇吓條link: http://www.fuku-e.com/lang/chinese_t/places/food.html
淡路島買定黎睇咋! 因咁啱見到有一本專講呢個地方.....
哈哈...我都買左 Mini Feb issue 送的X-girl 袋! 好抵ar!
回覆刪除[版主回覆01/04/2011 09:40:00]我都覺得抵先買, 多謝到訪!
oic,原來係响關西機場,我知白之戀人响東京都有得買,不過唔太鍾意食,但依隻薯條响北海道以外地方有的買係第一次知道囉,記得2007年去北海道時搵依隻薯條搵得我幾辛苦.....
回覆刪除[版主回覆01/04/2011 09:43:00]白之戀人我兩個小朋友好鍾意食, summer經過成田有買, 今次見到又買, 不過真係唔知有Potato Farm 賣, 佢唔係放在當眼地方, 仲有唔多人買, 超正!
咁請問佢放响邊度,雖然我好快會去北海道,但我4月尾可能會飛轉關西,到時如果有又可以買番D,我有屋企人勁 like依隻薯條。
回覆刪除以前我囝囝細個時,我哋每次去日本都會買唔少Gap俾佢,可借宜家大個咗,要買男裝size,但佢D款式好多比較成熟,唔係咁啱佢,最多只可以買最basic嗰D衛衣俾佢。不過佢宜家比較喜歡Nike & Addidas,所以每次去outlet,都一定會去依兩間,有啱又加上便宜的話,都會買唔少。
趁小朋友仲細比較容易買衫,見到又平又靚不妨買多D,男仔越大越難買衫,上到中學就更加唔係你叫佢著邊件佢就肯著邊件。
[版主回覆01/05/2011 10:05:00]Potato Farm 係Yorozu 間shop 有得買, Yorozu 的位置係KIX Airside Avenue, 你要過咗immigration, 然後在下面link P.2 找No. 22 shop 就搵到 http://www.kansai-airport.or.jp/en/resshop/pdf/shop_guide.pdf , shop 裏面有張poster 話要行入去後面先搵到, 希望幫到你。
你的小朋友都好大個.....
我很喜歡日本牌子的衫, 所以未有小朋友年年都係年尾去日本, 因1月2日開始大減價, 每次都買Hello Kitty 福袋, 自從有了小朋友就要放棄大減價period去, 因太多人, 現在盡量買少d, 要預番d位放佢哋的衫....
非常清楚,many thanks!!
回覆刪除我小朋友已經15歲讀緊F.4喇....睇住佢一日一日長大,由幼稚園、小學到宜家中學,過多兩年又話讀大學,時間真係過得好快,快得好得人驚。
[版主回覆01/05/2011 14:13:00]嘩, 原來咁大個...真係好, 去旅行可以幫手搬行李.....
咁你買得多既時候迷要買個大喼先至裝得晒?
回覆刪除[版主回覆01/07/2011 09:25:00]如果買得多, 零食會放箱, 再加一個大的旅行袋就得....今次個大袋都冇用~