哈日族媽媽網誌

2010年8月5日星期四

Singapore 手信

屋企人啱啱去完Singapore, 所以又有手信收, 聽講個Universal Studio 仲細個 HK Disneyland, 不過人就唔多, 可能每日都限制入場人數, 我之前以為日本的帶廣同NZ 的Taupo 先有得玩Segway, 原來Singapore 的 Sentosa 都有得玩, 好似係揸去沙灘。第日有機會都要帶小朋友去Singapore 見識吓, 雖然我都去過3次喇。

林志源豬肉乾超"林", 超好味

2010年8月4日星期三

沖繩+東京親子遊2010 (Day 2 - Part I) - 泊いゆまち + 首里城跡

July 4, 2010

今早約咗OTS來酒店接我哋去OTS とまりん営業所取車, 其實除咗呢個営業所之外就只有機場單位才有接送service, OTS staff 準時10:30AM 到, 有兩個staff來, 核對完資料後佢地就幫手搬行李上車, 之後就車咗我哋去DFS.... 原本plan 咗係OTS とまりん営業所取完車就去隔離的泊いゆまち, 依加係DFS取車，要揸番轉頭。

酒店的早餐9:30AM 完, 因想等細仔訓耐d, 唔想叫醒佢, 唯有放棄早餐，改去附近Family-Mart 買嘢食

OTS 接我哋的車, 都好大架, 坐得好舒服

排隊等辦手續

之後要經過DFS去停車場取車, 呢架係陪左我哋4日的Honda Insight Hybrid

大仔都有份驗車, 仲發現有地方花咗, 最後staff 教咗一陣點用GPS我哋就出發, 我哋揀咗日文地圖，英文發音

車尾啱啱好可放一個29吋大喼, 一個手提喼再加一架bb車

其實由泊車位行去泊いゆまち只係一少段路, 但係都已經曬到暈......

泊いゆまち TEL：098-868-1096

Yen1,000 三款, 不過只想食帆立貝同海膽

小朋友唔食得, 又唔想佢哋等咁耐, 所以最終只買了帆立貝同海膽, 諗住拿拿臨食完就走....(豉油要另外買) 因我唔食海膽, 聽老公話初頭幾啖海膽唔係咁好味, 可能有d冰未溶, 食落就好味好多

由於汽水機冇飲管, 於是我好快咁食完d帆立貝就帶小朋友上車搵飲管(之前已經帶定放係旅行袋), 順便開大個泠氣先, 等老公返來就出發去首里城 (最具特色的琉球王朝古都)

首里城跡 TEL 098-886-2020

去到首里城附近, 停車場好似full 咗, 可能當日係星期日, 行行吓有人揮手示意有parking, 於是咪駛入去囉, 嘩, 只見超窄斜路但唔見停車場, 停車問清楚佢話Yen500 兩小時+代客泊車, 由於逗留時間唔多, 小朋友又未食lunch, 於是乎就比Yen500 叫佢泊, 佢就比番張紙仔我地一陣取車用。由泊車處過馬路行少少斜路就到咗首里杜館, 館內有レストラン首里杜（すいむい）和カフェ龍樋（りゅうひ）兩間食肆,我哋揀咗首里杜餐廳。

首里杜餐廳在首里杜館一樓，提供沖繩風味料理

熱到巳經冇胃口, 老公只叫了豬耳同飲品

小朋友就各自叫了一份兒童餐

我只叫了細碗的沖繩拉麵, 點知細仔勁鍾意食, 反而個兒童餐就食得少少

食完就去守礼門（しゅれいもん)

呢張係唯一在首里城的全家福, 可能太曬, 細佬用個眼鏡盒遮住自已對眼,哎...佢有太陽鏡架同帽架, 不過佢寧願晒都唔肯戴...

之後準備行去正殿, 可惜途中比個守衛叫停左, 仲叫我哋睇吓個notice, 原來bb車係唔可以經歓会門（かんかいもん）上正殿, 要在另一個入口入, 結果又要行番轉頭, 當時其實巳經熱到溶, 兩個小朋友個頭已經濕晒, 大仔仲成日問幾時先可以上車, 細仔又好似好眼訓咁, 行到去另一個入口, 真係要嘩一聲, 條斜路長到睇唔到盡頭, 而且歷史文物呢家野真係唔太"好", 咪提議話不如上車走喇, 大家即刻say yes, 拿拿聲影多幾張相就返去拿車出發去Outlet Mall ASHIBINAA，嘆吓冷氣好過。

2010年7月29日星期四

沖繩+東京親子遊2010 (Day 1) - 香港->成田->那霸

July 3, 2010

好耐都未試過夏天去旅行喇, 諗深一層夏天去旅行其實有好處, 最明顯行李比冬天少一半, 今次出發前竟然可以將個細喼放入其中一個大喼裡面, 即係話出發時拎小一樣野...點知到達成田機埸時發現個大喼爆咗少少 (斷估係個大喼空得滯，承受唔到碰撞，但都諗唔到會咁易爆), 徬徨之際，咪走去搵ANA的地勤幫手，佢地竟然叫我留低名同地址，會幫我備案先，等我返到香港時聯絡番香港地勤，就會幫我維修番(咁都無咁驚...)，佢地跟住就用印左ANA logo既膠紙貼起個爆口度，唯有係咁頂住先啦。當日要乘9:45am 由香港去成田再轉機去那霸, 我諗唔會有好多人好似我哋咁傻 (唔搭直航走去揀轉機，仲要係走回頭路果隻), 因為唔想坐香港快運(可能係我偏見，覺得呢間航空公司唔太穩陣，同成日有delay/cancel情況... 題外話：港龍好似依加有直航, 但只限Thu and Sun 出發), 加上聽人講沖繩冇得shopping, 於是乎就選擇ANA 玩完沖繩陽光與海灘，再血拼東京。

今次資料只帶一本書同一份map, 其餘就print 出來

Kid's meal

大人餐

細仔對朱古力比較有興趣

ANA 送的小朋友禮物 (雖然CX 的service 冇ANA 咁好, 但CX 的禮物好好多)

大仔話要帶埋佢哋去旅行

就快到成田喇

攞行李時發現個大喼曝咗, 最後要用膠紙頂住

攞完行李再行過隔離, ANA 有個細counter比轉機的乘客check-in, 攪掂後就出番去個terminal 搵嘢食, 由於時間不多, 所以搵咗間有飯有麵既, 因為細仔要食飯架

又驚佢哋係機上肚餓, 於是去麵飽店買定d乾糧

Domestic Terminal

機上印有龍馬傳的logo, 不過太高影唔清楚, 呢班機可能起成田開, 所以有80%以上都係外國人(由第二度轉機去沖繩)

去程內陸機冇免費飲品提供, 要比錢買

內陸機的禮物

終於到達那霸, 班機起成田遲咗30分鐘先開, 有保安上機倉, 唔知做咩, 令我哋最終遲咗20分鐘先到達

一出機場就搵的士去酒店, ＧＲＧホテル那覇東町, 個司機竟然唔識路, 兜咗一輪先搵到, 酒店lobby 唔係好大

房間都算大, 呢種房全間酒店只得4間

附近有間FamilyMart, 酒店後門行過去1分鐘, 幫小朋友沖完涼就去買宵夜

2010年7月20日星期二

沖繩+東京親子遊2010 (戰利品篇)

沖繩返黎喇! 基本上全程都好好天, 真係熱到溶, 除左還車果日天氣唔好, 黃昏時落勁大雨....不過還完車佢就停o左雨, 都算好彩。先講租車, 個GPS起那霸市內唔係好得, 成日指示唔到正確路線, 加上市內又多車, 開頭成日行錯路，不過離開市中心向北部行又冇問題喎, 行58号公路真係超正 (一條路順住去就掂)。Shopping, 真係唔多野買, 最開心都係有間Comme Sa 在Naha Main Place, 可以買小朋友衫, 大人想買衫真係要返東京, 不過outlet 裏面的Next Door 比我預期好, 竟然有"Emporium", 可惜唔夠時間慢慢睇。食嘢方面, 我哋唔係食家, 所以覺得都ok, "大家" 真係一家不錯的食店。Conclusion: 沖繩都可以再去, 例如去吓外島....

因為影咗太多相, 要花多d時間整理, 所以睇住d戰利品先, 今次唔係買咗好多嘢, 大部份起御菓子御殿買的, 雖然買咗唔多, 但都巳經滿咗一個箱 (果d一盒盒超佔位), 雖然係咁，起成田機場見到有"白之戀人"賣, 當然點都買番少少啦