哈日族媽媽網誌

2012年8月6日星期一

名古屋+鳥羽志摩+鈴鹿+長島 2012 (Day 1 Part II)

July 14, 2012 (continue)

停車埸位置其實係酒店隔離的大廈, 返車攞完行李再搭電梯落地面轉左行一段小路就係洒店

酒店位置不差, 樓下就有名鉄百貨店的Mens 館, 搭電梯去B1 經地下街行1-2 mins 就可以去到名鉄名古屋駅, 去中部機埸都好方便

房間有29sm, 貪佢夠大

仲有化粧枱

出發前網上訂的b-mobile sim card

呢隻比visitor用係唔洗開通的, 不過已經唔再出, 取而代之是兩款新card "14 days prepaid" 同 "1GB Prepaid", 但價錢就貴了Yen1,000, 要Yen3,980喇
有了呢張card, 去到邊都可以上Facebook, What's App, 試過用Viber 都得, 不過都有d盲眼位會收得差d (例如basement), 情況係我聽到佢講野但對方聽唔到我講野

ななちゃん(NANA) 大公仔, 之前聽人講佢會換衫, 但好似由2月到依家都係同一件衫囉...

銀鐘

金鐘

2012年7月31日星期二

名古屋+鳥羽志摩+鈴鹿+長島 2012 (Day 1 - Part I)

July 14, 2012

名古屋暑假之旅今日出發!! 好期待呀...

細佬上咗機就問點解仲唔派禮物, 我話可能姐姐唔得閒, 我地又冇問姐姐, 到回程時細佬自己問 (個空姐又肯答佢喎), 原來依加短程唔派禮物了...

一如以往, CX 飛機餐都係唔好食, 今次都唔例外, 下面的小朋友餐可能好少少

大人餐, 好差...

話咁快就落機了

Welcome to Nagoya, Japan

因為多人, 所以過關都花了唔少時間, 但因為我地有推BB車, 又所以可以優先過關喎,
但結果都係要等埋其他團友之後先出得去... 跟住就去Nissan counter 登記, 然後再落一層取車

團友的elgrand, 坐咗6個人仲可放大量行李

我地的Wingroad, 新車黎喎(d staff 話....), 第一次租呢款車, 車尾夠大, 可放2個29吋加一架BB車, 多行李一流

檢查完就出發去今晚入住的酒店, 可惜中途塞車, 到達酒店時又搵唔到個停車埸入口 (搞左成個鐘), 最後要落車問人, 原來個入口係另一邊仲要上天橋, 真係估佢唔到, 搵個入口花了不少時間, 所以泊完車就直接去搵野食, 之後先去攞房

行緊去高島屋

其實上高島屋12/F 主要搵嘉文壽司, 可惜個waiting list 幾長, 見附近又有間竹葉亭食饅鱼, 唔理咁多都留左名先

有個位可以睇到燒饅魚

其實大家都唔想食饅魚....

老人家又唔等得, 唯有帶佢地上咗13/F, 搵左呢間唔洗點等o既, 大家要分開食...

我地同其他團友就繼續等嘉文, 當我落番12/F 原來已經有位, 計過最終等咗45分鐘, 佢地比咗後排兩張卡位我地, 有d自成一國, 唔錯!!

唔識日文唔緊要, 有英文menu, 點完之後食物會自動轉過黎, 大仔話如有食物到會有聲通知喎

下面個steam egg 幾正, 有好多料, 我冇食, 唔知有咩正料

呢個係kids set

因為好肚餓, 己經掛住食唔記得影相, 又驚老人家係13/F 已經食完要等我地, 所以9秒9 o既速度食完就,埋單, 上返13/F時老人家先剛剛食完

係嘉文隔離係嘉鮮, 主要食set, 大家食飽飽就返停車場攞行李去酒店check-in

2012年7月25日星期三

名古屋+鳥羽志摩+鈴鹿+長島 2012 (戰利品篇)

今次個旅程真係熱到溶, 最尾2日先落雨。第一日搵酒店個停車場搵咗好耐，第二日去伊勢神宮-內宮大塞車，所以冇時間去夫婦岩。鳥羽水水族館的海象表演好正, 2隻海象好聰明。鈴鹿賽車場的mobilityland冇咩人，唔洗排隊任玩，不過好似啱幼稚園至初小，同唔愛刺激的小朋友，至於長島spaland的kids park 入面今年有新的機動遊戲，因為係平曰，所以都係唔洗排隊，大部份可以玩2次以上。尾個兩日由於落雨冇去到名古屋城，只係榮/名古屋行街。基本上小朋友係樂園玩到超開心, 最緊要係唔洗排隊, 不過大仔好似鍾意長島樂園多少少, 因為有小朋友roller coaster 玩喎.....

睇住戰利品先, 北海道好似多好多好味的snack, 所以係呢度唔係買咗好多, 見機埸有Potato Farm, 白之戀人(2個小朋友超鍾意食, 一人一盒24片仲要返到屋企mark咗自己個名), Royce pop corn chocolate, 當然又入番少少