2012年8月8日星期三

名古屋+鳥羽志摩+鈴鹿+長島 2012 (Day 2 - 伊勢神宮 Part I)

July 15, 2012


今朝就離開名古屋向三重縣出發, 不過就到御在所SA 時遇到第一次塞車, 基本上架車都可以慢慢行, 但之後逛完御在所SA 就大件事喇, 差d要放棄去依勢神宮... (睇落去啦)

 


御在所sa









因為係星期日, 裏面都幾多人




有幾款せんべい可以試食, 係好多, 又無人理喎, 真係可以食飽o架...




好難先搵到枱可以坐低, 下面係其中一款食物, 由於我周圍逛, 返位時團友已將其他食物食晒, 所以蝦餅, 魚餅等都冇影相, 我地預計要點半兩點左右去到神宮先會食lunch, 所以係呢度都只係食左小小野








離開御在所SA行咗一段路又塞車, 呢次d車唔係點郁, 發現原來大部份都係去伊勢神宮




塞咗大約2個鐘終於可以離開高速公路,我地一路跟住架4.12





跟住仲要等排停車埸位, 有個牌話要等1個鐘, 即刻嚇傻左... 當時有諗過直接去志摩算了, 但心諗都塞咗咁耐啦, 點都要影番張"到此一遊"相先走, 而當時有些團友又要去搵洗手間, 所以索性o係附近停低比佢地落車, 泊完車後再會合佢地




等咗大約30分鐘終於泊到車, 呢度有4個停車埸, 有工作人員會指你去邊個, 我地去咗P2, 團友就去咗P4





再搵番團友, 原來佢地去咗"浪曲茶屋"食lunch





因為當時太晏(差唔多4時), 己經得番下面的伊勢赤どり可以order,估唔到食落又幾好味






於是每人一碗伊勢特產:伊勢赤どりかやくにゅうめん



Roll Cake 只剩下面4個, 都比我地order晒






因團友之前落車隨便入咗呢間, 如果唔係塞車, 一定會叫佢地去"豚捨"









10 則留言:

  1. 雖然, 真系好多日本人去伊勢神宮參拜, 但好少見到BLOG 話要搞到又塞車, 又排長龍. . . 哈哈哈.
    [版主回覆08/09/2012 10:11:04]咦, 我之前睇過一個blog 友, 佢唔跟GPS行, 跟日本人的車, 去咗個停車埸, 唔洗錢, 不過要行10分鐘, 咁你泊那個停車場仲遠, 我地泊那個P2行2分鐘, 團友泊P4行1分鐘, 我地那個好似計時間的.....
    [小肥羊回覆08/08/2012 23:21:12]要比錢架, 1000YEN泊一次, 無限時間, 方圓幾里既停車場都要比錢呀
    [版主回覆08/08/2012 21:17:46]我知道有幾個比較遠的停車場唔洗比錢,但有老人家唔想行咁遠,而且通常GPS會帶去比錢的停車場,所以去咗近神宮個幾個,嘩,原來星期六都咁多人,真係要平日去先得
    [小肥羊回覆08/08/2012 16:47:20]我系普通星期六去, 都槽央呀! 明明山卡拉地方, 鬼影都無隻, 一到星期六d人就湧晒出來, 我個日d停車場爆晒, 要拍到鬼咁遠, 由停車場行去商店街都15分鐘以上, 食又排半個鐘, d舖頭人多到入唔到去, 赤福門口打左幾個蛇餅, 不過我堅持要排要食赤福, 我媽就採我都傻, 自己同傅小孩去行街. 其實應該平日去好d, 去完好似同無去無分別, 咩都無睇到.
    [版主回覆08/08/2012 12:47:08]咩好日子呢? 連休就係, 14-16 係假期....不過小肥羊上次去都話多人喎

    回覆刪除
  2. 咁塞法都幾大件事....行程亂哂
    [版主回覆08/08/2012 12:47:35]夫婦岩都冇去....

    回覆刪除
  3. 伊勢神宮係中部一帶最具人氣的既神宮,所以真係超多人去架 !

    [版主回覆08/08/2012 12:48:28]但係冇理由咁多人架, 塞車塞到好惨呀....

    回覆刪除
  4. 咩特別日子? 連休?
    [jokelib回覆08/08/2012 12:57:13]我嗰次平日去, carpark 都要等 10分鐘先入得.
    [版主回覆08/08/2012 12:49:29]Jul 14-16 就係連休, 唔通次次連休都咁多人.......

    回覆刪除
  5. 4點先到神宮, 米好遲先到酒店, 唔抵呀!
    [版主回覆08/08/2012 21:11:49]其實大約3:30pm 泊好車,不過一落車大家要搵洗手間,又要搵番泊咗係P4 的團友,跟住又去搵番早咗落車的團友,差唔多4:00搵到佢地時佢地已經食緊,知道趕時間,所以我地食得特別快,真係好遲先到酒店,大約6:30

    回覆刪除
  6. 3連休我都响日本喎...15號我哋係去積丹半島,因為係由二世古方面入去加上又比較早,所以交通都好暢通,後來响門司食完海膽飯後去余市,當時兩點幾,行咗一陣就見隔離線開始有車龍,好明顯條車龍係入神威岬,條車龍都唔知有幾多公里,總之我哋行咗好耐先至見到龍尾。
    我當年去神宮時都係平日,但又唔駛點等位泊車。
    [版主回覆08/09/2012 22:34:10]一遇到連休,好多酒店都double, 仲有星期六又特別貴,唉
    [3J 家庭回覆08/09/2012 10:16:27]我嗰晚住小樽Hotel Sonia,都貴架...3人房連朝食要23,700yen
    咁我情願揀平日去樂園,星期日去神宫,最多神宮行少D地方,一遇上日本D連休假期,plan行程都好頭痛
    [版主回覆08/09/2012 10:00:07]原來北海道都塞車, 3連休係北海道d洒店會唔會貴d?
    如果平日去神宮, 咁星期日可能樂園會好多人, plan 行程有預過星期曰會多人, 但無諗過多得咁誇張, 所以plan 星期曰去神宮, 樂園放平日, 唔洗排隊玩樂園慳番好多時間架

    回覆刪除
  7. 兩架車一起自駕遊, 可以互相照應, 又老又嫩, 都是好主意.....辛苦嗎?期待你繼續的行程....
    [版主回覆08/09/2012 10:01:02]都唔係好辛苦, 除咗去神宮塞車......

    回覆刪除
  8. 其實伊勢神宮無咩睇,但可能個頭無咩景點,所以個個都湧去啦....
    [版主回覆08/09/2012 22:31:11]又係喎,個頭真係無咩好特別的景點

    回覆刪除
  9. 嘩!塞左咁耐車,聽到都驚呀!
    [版主回覆08/12/2012 20:25:34]係呀,未試過塞咁耐.....

    回覆刪除
  10. 我地年頭去時候,又係超多人呀, 我地後來泊左去神宮會館, 好多日本人去伊勢神宮,好多本地團黎, 人多到好似操兵咁行入去....
    [版主回覆08/17/2012 21:44:15]個日神宮會館都full 晒,所以仲多人

    回覆刪除