2011年11月1日星期二

北海道, 大阪聖誕之旅2011 (行程篇)



其實今次去北海道主要係為咗Tomamu Viz Spa入面個波波池, Snowmobile, 玩雪同住三余庵。大仔一向喜歡個波波池, 雖然巳經去過2次, 但仍然很喜歡, 不過再大少少就唔啱玩(雖然細仔仲可以玩多幾年), 所以襯佢仲細去多幾次, 另外兩兄弟都喜歡snowmobile, 所以係Tomamu 一次可以實現幾個願望, 不過入住時撞正曰本假期, 超貴.....另外三余庵唔洗多講, 好多人都巳經入住過, 2010 年年頭睇咗Milly 的北海道書之後就即刻book 定12月尾的房, 可惜最終去咗福井而要放棄咗, 改為今年暑假去, 點知311事件又再次cancel 而改咗今年年尾, 因為改咗咁多次晤好意思, 所以決定年尾一定要去一次。其次係原本仲想住森の謌的cottage, 但Yen又貴行程又就唔到, 所以最終叫同行既屋企人分道揚飆先去住, 希望到時佢地影多d相等我放係blog入面。

Photos taken in Dec 2009



波波池






Snowmobile



 


 

今次行程都冇乜特別, 4月時巳經book定direct flight, 可惜回程一路waitlist, 最終agent 話機會好微, 所以即刻改係大阪轉機。往年CX set 個deadline可以係出發前3個星期先比錢, 不過今年改咗, 要出發前2個月, agent 話CX 想早d confirm 邊d人係真係想要位, 而唔係hold 住最後唔要。

Day 1 香港 --> 大阪 --> 北海道大約18:20 到達新千歲機埸
Check-in 酒店後過對面食拉麵: 札幌ら~めん共和国, ESTA(札幌エスタ)10階 (11:00 - 22:00)
*有冇好介紹边間好, 因未去過, 帶住小朋友去ESTA方便d*
住宿: Best Western Fino


Day 2札幌 --> 星野リゾート トマム早上搭スーパーおおぞら3号去Tomamu 9:04 --> 10:38
仔仔學滑雪, Viz Spa, Ice Village
住宿: Villa Sport

Day 3
Tomamu --> 帶廣早上去Polar Village 玩snowmobile, Short course ショートツーリングコース(5km)20 mins Yen3,150
有時間去坐吊車上山, Cabin round trip (キャビン往復) Yen1,500
食完lunch 就搭スーパーおおぞら7号去帶廣  15:47 --> 16:38
跟住坐的士去酒店, 休息一陣就出去食dinner
晚餐食炭燒豬肉飯: 元祖 豚丼のぱんちょう  (営業時間/11:00~19:00) 或是 はげ天 本店 (はげてん)
住宿: 北海道ホテル (Hokkaido Hotel)
Day 4北海道ホテル --> 北海道立帯広美術館 --> おびひろ動物園 --> 十勝川温泉三余庵早上坐的士去美術館, 館內可放行李, 逛一陣就去動物園
然後返帶廣車站 ESTA,六花亭行吓, 食完lunch就等三余庵的shuttle bus
三余庵 お迎え時刻: 14:40
**講開book房, 因我知洋室(比較細d)平過和室, 所以book時問可否2大2細入住洋室, 小朋友仲細可以一齊訓, 點知佢話可以不過驚小朋友lok落床, 我話唔怕因為住其他酒店房多數都係洋室, 仲有request non-smoking room, 全館得2間係洋室, 所以應該比"細雪"我地, 因"雪国"好似可以吸煙**
住宿: 十勝川温泉三余庵
Day 5帶廣 --> 札幌三余庵 お送り時刻: 10:50
早上搭スーパーとかち4号 札幌行 <当駅始発> 11:35am --> 14:01
到達札幌後會合屋企人然後去大丸/Stella Place/大通行吓, 狸小路買手信, 去Apple Store想買Apple TV (三越札幌店の隣り)
住宿: Best Western Fino

Day 6札幌 --> Doraemon Wakuwaku Skypark --> 三井アウトレットパーク 札幌北広島
札幌駅 -> 新千歳空港駅 10:10 --> 10:46
搭巴士直接由空港去outlet, 新千歳空港から三井アウトレットパークに行くには「地下鉄真駒内行き」のバスに乗り「三井アウトレットパーク」のバス停
返札幌就搭巴士(19 mins) 去福住駅再轉東豐線 (15 mins)
住宿: Best Western Fino

Day 7
札幌 --> 大阪
到達関空後放一部份行李係4樓的JAL ABC counter, 唔洗攞住一大堆行李出去
購買「大阪出張きっぷ」
搭南海電鉄去難波再轉的士去酒店
休息完去
JR大阪駅shopping: 三越伊勢丹, LUCUA(ルクア)
住宿: Cross Hotel

Day 8返香港
早上係心斎橋逛, 3時左右返Cross Hotel 攞番行李出機場

**要check Cross Hotel 仲有冇Airport Shuttle 去機場 (有blogger 話311後cancel 咗), 但web-site 有一班15:08 去機場, 巳經send 過email (日文+英文) 比酒店問但冇人reply, 有冇blogger 最近住過?**

25 則留言:

  1. 睇WEBSITE, 真係有呢班車到機場. 我月中會到大阪, 問完11月底回來再告訴您.
    [版主回覆11/14/2011 16:25:31]唔知你出咗發未, 如果未就唔洗去問, 因blogger 和豚媽媽幫我問咗....玩得開心d啦!
    [版主回覆11/01/2011 21:45:21]係就好喇,有你幫我去問,麻煩你唔好意思......

    回覆刪除
  2. 嘻嘻, 你個 北海道紀錄 . . .又拋離我LU .. . .=_= . 今次住Villa Sport要有舊D 嘅心理準備啊.
    Best Western Fino 喺JR 北口出, 我會去 北口旁邊嘅味之計時台, 好得. [札幌市北区北6条西4丁目(札幌駅北口)]
    北海道ホテル 喺帶廣JR南口出, 元祖豚丼喺北口前面, 一定要來回都TAXI LU . . .はげ天 本店喺北之屋台旁邊, 可以 順便參觀吓, 不過小朋友就. . .
    六花亭同JR都有D 距離, 要花D 時間行. 應該 喺動物園直接去六花亭食吓, 買吓再去JR 行ESTA 等三余庵接送順DD.
    [jokelib回覆11/07/2011 11:17:55]我上次放中 size locker only, 無留意大 locker 多唔多人用.
    [版主回覆11/07/2011 10:37:36]嘩, 好正呀, thanks J 少, 真係我想要的資料, 原來jrhokkaido web-site入面有咁齊的資料, 不過得15個大size locker, 冬天應該唔會full?
    [jokelib回覆11/07/2011 10:15:44]http://www.jrhokkaido.co.jp/network/locker/doutou.html?obihiro
    [版主回覆11/02/2011 18:09:22]其實有冇人最近會去帶廣, 想知道最大的locker有幾大, 有幾多個, 如果ok, 放低gip先去六花亭, 照你講都不是太遠.....
    [小肥回覆11/02/2011 12:39:36]六花亭- 本店喺帯広市西2条南9丁目6, 可以買嘢同2/F有個茶室, 帶廣駅北口直出, 經過前後3個街口, 應該 5分鐘 OK, 不過, 行吓, 影吓, 又轉咗行北之屋台北(後街) 就耐D. 我兩次行都無雪, 所以 無問題. 你預10分鐘內一定OK, 六花亭正門行去帯広駅, 系一條直路, 唔駛轉灣; 六花亭後門行去帯広駅會經過北之屋台北,同元祖豚丼 ^O^
    [版主回覆11/02/2011 10:02:58]六花亭行去帯広駅要幾耐? 其實之前都問過, 帶廣JR駅未必有大locker, 所以直接坐的士去六花亭可能好d, 去到六花亭個gip 唔知放边, 仲有行番去JR唔知有幾遠, 如不是很遠, 拖住一個大gip 都ok, 因細佬可以坐BB車
    [小肥回覆11/01/2011 23:51:32]呀, 一定要講多句, 如果帯広駅行去六花亭系向北行, 逆風. 六花亭行去帯広駅系順風. . .咁你睇吓到時大唔大風啦. . . ;P
    [版主回覆11/01/2011 21:56:00]其實09年住Galleria以為會新d,原來都係咁舊,所以都知villa sport 都係比較舊,咦,北口有味之時計台,咁去食呢間好過....但要搵下係邊先。我地拎住行李所以要返JR 站放低,唔知有冇大locker, 如冇大locker就直接去六花亭都係唔錯的idea....

    回覆刪除
  3. Day 6 特登出千歲探叮噹 . . .好厲害. ^O^ 不過, 可以 同Day 5 對調嗎? 帶廣出千歲直接DD. 咁Day 6就全日SHOPPING. 之後去大阪 . . . 無我份LU .. . 哈哈哈 ^O^
    [版主回覆11/03/2011 23:06:06]未去過咁咪有籍口再去過,定山溪去過一次咋,不過去洞爺湖同Rusutsu Resort就經過幾次,北海道仲有好多地方未去過.....
    [小肥回覆11/03/2011 17:41:15]哈哈, 無緊要. 至緊要開心. 你地OK嘅就掂. . . *.< 我都好想睇森の謌 . . . 定山渓我又系未去過. . . .=_='"
    [版主回覆11/03/2011 17:29:27]仲有屋企人當日係森の謌, 定山溪一日得2班巴士去機場, 而我地又唔想帶住行李行街, 好大機會返Sapporo 先.....
    [小肥回覆11/03/2011 16:13:13]我喺機場寄, 要第二日收; 立山就早上寄, 當日下午4時; 立山去宇奈月都喺早上寄, 當日下午收 . . . 三余要隔日. . .應該系無早上出快遞, 變咗佢下午出, 第二日收. . . 正常. 不過真系差DD . .. .咁你就迫住帶行李行街. 我上年去過兩次帶廣駅, 有大LOCKER, 有10個左右, 700YEN 可以放大匣, 最大嗰隻, 喺等候間旁邊入, 一條走廊, 兩邊都系LOCKER . . ..
    [版主回覆11/03/2011 15:42:46]三余庵話如check-out 當日寄要第二日先收到行李喎! 咁又唔得喎! 你平時寄當日就收到?
    [小肥回覆11/02/2011 12:43:31]"宅急便"寄行李, 所有酒店都收, 你有BOOK房間 就OK, 如果, 可以 寄行李, 就更加可以 由帶廣直接出千歲啦. ^O^ 屋企人直接去機埸 搵你地同叮噹 就大家都可以 鬆動D啦. . . 哈哈哈
    [版主回覆11/02/2011 10:07:38]都有諗過用"宅急便", Best Western 收唔收架? 係呀, 帶廣出千歲真係直接DD, 但要係南千歲轉車, 不過仲快過去札幌, 呢個方案唔錯, 或者叫屋企人去機埸搵我地......
    [小肥回覆11/01/2011 23:56:16]唔, 行李呢PART, 有無考慮用"宅急便" 先送個大匣去下一間酒店呢. . .我今轉上立山用咗幾日. . . 正 *^.^* 哈哈. . .事實系好懶. . . \(@^0^@)/★
    [版主回覆11/01/2011 21:58:16]Good idea....不過又係行李問題, 仲有要會合屋企人,再研究下先

    回覆刪除
  4. 真開心,又可日遊了!
    [版主回覆11/02/2011 10:08:13]等咗好耐, 成年冇去過喇....

    回覆刪除
  5. 又有行程,正!
    [1733回覆11/02/2011 21:22:18]咁就要睇過先至知悶唔悶噃。
    [版主回覆11/02/2011 17:59:45]哈哈, 我驚你睇到悶咋!
    [1733回覆11/02/2011 13:14:02]自己喜歡迷得囉, 唔洗理佢特唔特別啦
    [版主回覆11/02/2011 10:08:53]不過d行程冇咩特別.....

    回覆刪除
  6. 舉手之勞. 唔好客氣. 食拉麵. 我會貪新鮮. 試新野. 多數上拉麵WALKER個網, 睇下而家受注目嘅拉麵店.
    http://ramen.walkerplus.com/search/area/hokkaido/10101/
    我見第三名個間"一粒庵"係扎幌站行2分鐘, 都算方便.
    [版主回覆11/02/2011 18:03:03]好介紹, 等我又研究吓先, 其實為咗快想食拉麵, 因去到都夜晚又帶住小朋友, 又唔想去d要排隊的.....

    回覆刪除
  7. 你就好啦~~成日去北海道,我一次都未去過呀!!好羨慕呀! ^^
    [版主回覆11/02/2011 18:05:33]Oh, 都要平時慳d先可以去日本架.... 北海道我真係好鍾意, 不過有時都要去吓日本其他地方, 例如Nagoya 我都冇去過...

    回覆刪除
  8. 好o野! 又去Tomamu啦! 目標為本的行程, 精簡又開心! 會唔會同囝囝玩滑雪呀? 幾抵玩喎! 三余庵~好掛住呀! 唔知聖誕節的夕食會係點呢? 你在帶廣住北海道酒店, 以前我都有考慮架, 木地板好少酒店有啊! 你專程去Doraemon呀?! 返大阪幾點機? 唔夠時間? 不過專程去都唔係好煩, 又可以唔駛趕頭趕命, 慢慢玩! 北廣島三井都有o野買架, 預洗錢啦...哈! 另外, Apple TV淨係札幌Apple有嗎? 你個行程令我好興奮呀!!
    [版主回覆11/04/2011 09:33:52]咁好可以用自已相機, 唔洗買佢幫你影個張相, 又可以慳番d $$喇!
    [zason 2T回覆11/03/2011 21:17:54]Doraemon場係要俾入場費先可以入去影相, 大人600yen, 小朋友300yen, 入到去眼明手快去唔同的影點快影, 最好諗定pose, 好趕架因為要趕住去同真身影! 我無買佢哋影o個張相呀, 佢俾用自己相機無謂嘥錢lu! 我的旅遊quota就多數係農曆年/ 復活節, 同暑假。
    [版主回覆11/03/2011 18:05:54]大仔應該會學, 不過驚細仔着完d咁重的鞋唔知會點, 但會book 2個先, 仲有係Doraemon 影相貴唔貴? 京阪神賞櫻好呀! 我地通常聖誕同 summer去, 所以已經冇quota 去賞櫻喇....
    [zason 2T回覆11/03/2011 12:19:32]係呀, 我上次係私人教練啊! 一場去到如有時間都玩吓啦! 帶廣, 十勝我有兩間酒店想試, 北海道酒店同十勝第一, 如可以再住三余庵就更好了, 不過我下次應該係去京阪神賞櫻, 嘻...! 你預半天在Sky Park都好, 可以慢慢行, 不過Doraemon入面就唔到你留得耐, 聖誕其間可能更爆, 有心理準備啊! 我上次已預早3個多小時前到啦, 都唔夠時間, 又食又賣又睇又玩, 好趕好忙唔太enjoy! 做媽媽好多時都係為兒女啦, 無計! 但大家都開心咪得囉!
    [版主回覆11/03/2011 10:10:11]我希望囝囝們學識滑雪然後可以一家人一齊滑, 有了小朋友已經好耐冇滑雪, 你地上次是否join private lesson? 大仔剛剛4歲時學過一次, 都係在Tomamu 學的, 不過學咗一陣就冇心機學, 所以今次都唔知比唔比細仔學。帶廣住北海道酒店係因為睇過台灣旅遊書作者Milly 提過而想住, 講真唔方便架, 因冇租車出入要靠的士。返大阪大約早上11時機, 所以係冇時間去Doraemon, that's why 要搵日去咗先, 又係為咗小朋友, 自已就唔會突登去喇! 北廣島三井有幾間日本牌子的店鋪我都鍾意, 所以依加係HK唔買衫, 留番去日本買。老公話HK Apple shop 冇得賣, US, Japan 有得賣, 所以去開咪想買喎.....BTW, 你係Doraemon 玩咗幾耐?

    回覆刪除
  9. 終於出PLAN LU, 小朋友去三余庵系米收70%? 北海道酒店我睇食評講到食事好得, 如果唔出去食, 系酒店食都OK. 我大阪今次住京橋, 貪間房夠大.
    [版主回覆11/03/2011 10:18:11]小朋友住三余庵收Yen12,xxx, 如小朋友同大人share bed 就收Yen9,xxx, 比其他温泉酒店算平。北海道酒店的早餐好似好正, 晚餐都幾好, 不過驚冇時間食豚肉飯, 而且酒店食dinner 應該唔平, 所以出去食。大阪住Cross 貪方便近心斎橋, 其實10多年前住過, 那時叫Holiday Inn....

    回覆刪除
  10. 雪国有兩個 sink , 細雪得一個.
    雪国個 living area 大少少, 不過係望正門的馬路.
    細雪望 terrace, 但唔知冬天開唔開到出去.

    P.S. Apple TV 8800yen, 香港有 US 版 HK$950.
    [jokelib回覆12/05/2011 23:38:01]If you stay inside the hotel, no need. There are slippers for u.
    [版主回覆12/05/2011 17:00:10]J 少, 想問Sanyoan 是否有個室內通道可過去Daiichi? 需唔需要着番鞋先過到去?
    [jokelib回覆11/07/2011 11:23:17]哈哈, 唔好睇太多喇~ 到時無新鮮感就唔好啦~
    [版主回覆11/07/2011 10:31:30]J 少, 佢話可以留細雪比我地, 啱啱先再回味你個blog, 有個section on Sanyoan, 超方便.....
    [jokelib回覆11/03/2011 12:43:17]zason 2T, 如果你無任何 Google Account, 留言時選 "名稱 / 網址 " , 然後打 nickname, 不過必要入 "網址" (eg. your Yahoo blog). 又或者選 "匿名", 再自己落名, 我都會知道係邊個.
    [zason 2T回覆11/03/2011 12:21:33]唔好意思Niseko2000, 又要借位留言俾jokelib! 想問個白痴問題, 你個blog係要有咩email a/c 先可以同你傾架?
    [jokelib回覆11/03/2011 11:53:53]我有一年都係 Christmas 前去, 真係好多人呢~ 如果 full book 就無辦法啦....
    房間係可以要求的, 無論你用邊個 website book 都得. (Providing 細雪無比人 reserved)
    [版主回覆11/03/2011 11:21:39]我想唔會upgrade la, 當日fully booked 呀! 其實細雪或雪國都唔細, 覺得冇問題, 我地唔係好大隻, 你好厲害, 幾多個sink 都知, 不過細雪望terrace 好似好d, 可否send email 叫佢留細雪?......其實去開見札幌有Apple Shop, 所以咪睇下去買, yes, HK Apple Shop 冇 but 有d shop 賣US 版
    [jokelib回覆11/03/2011 10:07:29]不過我相信你去到會自動 upgrade 你去住和室, 佢唔會要你一家人逼啦.

    回覆刪除
  11. 你呢張CX 機票幾錢? 我依家都叫緊agent試吓追CX新年去北海道嘅機票, 都唔知去唔去得成?
    [版主回覆11/03/2011 19:27:42]大約$6,xxx,agent 有少許discount,因要轉機,所以tax比direct flight 貴,CNY時好貴喎,有朋友上星期問初三出發要$9k, 回程冇位 ,但如果上CX網就有位,不過要$11k,超貴,希望你追到位

    回覆刪除
  12. 正呀~ 咁快又出發去玩喇~ 我都就出發, 不過係京都^^
    4月BOOK都要WAITING LIST? 咁誇張!
    [版主回覆11/04/2011 09:37:22]唔誇張, 通常peak season 起碼要9個月前book, 唔係都要waiting list, 所以一諗到想去就要book 定機票....

    回覆刪除
  13. 真係"鄧"你未出發先興奮 XD
    [版主回覆11/07/2011 09:35:19]多謝, 不過出發前有好多野要準備, 尋日發現大仔的滑雪手套太細, 之前買雪褲同鞋時又唔記得, 遲d又要去買過.....

    回覆刪除
  14. 去日本過聖誕係我呢幾年年尾嘅期待, 十一月好難捱.....
    [版主回覆11/08/2011 09:33:20]OH, 三重係我下一個目標, 正呀, 又有遊記睇.....
    [阿輝回覆11/07/2011 20:45:41]去呀, 會去三重同埋靜岡縣
    [版主回覆11/07/2011 14:18:57]咁你今年去唔去呀?

    回覆刪除
  15. Snowmobile大人細路都咁鍾意呀! 乜原來可三余庵可以指定房.. oh... 希望你可以住到你想住個間房啦!
    [版主回覆11/14/2011 09:44:13]其實間間房我都想住, 不過洋室只有2間(因為平少少), 所以叫佢地reserve 其中一間先, 當日好似已經fully booked.

    回覆刪除
  16. 多事我幫你問空港巴士營運公司 ... 答案係 -> 除大阪馬拉松(30 Oct)當日外,每日15:08都有車由Cross Hotel開去空 ... 放心盡情玩吧!
    [和豚媽媽回覆11/14/2011 16:33:27]u r welcome!
    [版主回覆11/14/2011 16:22:53]唔多事, 麻煩你就真.....我又冇諗過問空港巴士營運公司, 成日就係諗問酒店.....

    回覆刪除
  17. 多謝! 今次行程無PLAN到去大阪站, 不過去嵐山個日, 會去阪急梅田轉車.
    [版主回覆11/16/2011 09:36:10]諗住新開咗d shops, 睇吓你去唔去咋, 去嵐山好呀, 坐小火車

    回覆刪除
  18. 睇雜誌話佢地D商場大翻新. 好吸引. 不過今次D行程好緊密. 唯有下次先行啦. 而家係睇紅葉季節, 希望買到小火車票啦.
    [版主回覆11/16/2011 21:37:06]希望你買到第5卡小火車, 不過好似第5卡只可以當日係Torokko小火車車站買喎........

    回覆刪除
  19. 基本上, 我地諗住一去到大阪, 就先去JR COUNTER睇下買唔買到飛(1-4卡). 買唔到先會去TOROKKO嵐山買即日飛. 到時要好去起身.
    [版主回覆11/18/2011 10:23:19]祝你成功+旅途愉快......

    回覆刪除
  20. 你終於回歸日本..........yeah!!! (^_^)v Welcome to Japan!!!
    [版主回覆11/30/2011 09:49:01]係呀, 成年都冇去, 好掛住呀!

    回覆刪除
  21. Pandora 香傭講法文2011年12月1日 下午5:21

    好玩喎^^
    [版主回覆12/02/2011 12:24:56]希望天氣好啦........

    回覆刪除
  22. Have a good trip la!
    [版主回覆12/05/2011 09:41:40]等緊你的中部行遊記, 雖然係FB睇咗相, 不過有文字會清楚d....

    回覆刪除
  23. 爆笑80後,提供每日一笑話,希望你能有空拜訪一下,留返個言,擔保笑爆你個嘴
    [版主回覆12/05/2011 09:42:00]多謝到訪!

    回覆刪除
  24. 差唔多可以倒數出發了. 真係開心. 可以慢慢同小朋友一同執行李.
    [版主回覆12/12/2011 10:48:44]如果聖誕後考試就冇得去旅行喇......
    [川廿口夫回覆12/09/2011 15:51:40]咁都好, 考完試先去旅行. 可以盡興D. 冬天去旅行, 真係要帶多好多野. 好彩您地一家人都好有經驗冬天去凍嘅地方旅行.
    [版主回覆12/09/2011 10:14:41]尋晚已經同大仔講叫佢努力d溫習, 因為下星期考試, 考完試就可以去旅行, 今日都開始準備個checklist 記低有咩要帶, 不過日用品唔記得都冇問題, 日本買都好方便....一諗起執行李, 真係頭痛, 大人會盡量少衫, 預番多d位比小朋友, 而且冬天執衫勁麻煩...

    回覆刪除
  25. 我上次住三余庵都係住細雪,不過唔係我揀係佢俾,我唔知雪國可以吸煙,但我會鍾意細雪多D,因為間房有個露台仔,雖然冇view,但會感覺光猛D。考完試去旅行咪好囉,可以玩得開心D,我個仔一放完假就考試,所以依幾年先改咗農曆年去旅行。如無意外明年暑假我又會去北海道。
    預祝你一家人旅行玩得開心....
    [版主回覆12/13/2011 09:38:15]哈哈, 原來有咁多種車, 最緊要送到我去三余庵就得, 不過小朋友鐘意坐大巴, 因為佢地返學已經坐VAN仔....
    [小肥回覆12/12/2011 22:41:48]我又講. 我年頭2點系喺帶廣上車, 系VAN仔, 唔只坐7-8人; 會先停三余庵落客再到第一. 回程我坐大巴, 因為時間唔同 . . . 嘿
    [版主回覆12/12/2011 15:00:59]OH, 原來你都係自駕, 睇番十勝第一個web site, 去酒店同去車站都會經三余庵, 但去車站要9時多上車, 但我book 咗10:50am, 可能位地會搵架7-8人車, 但去三余庵時可能係十勝第一的車, 都係send email 問清楚坐边架logo 的車先得......
    [3J 家庭回覆12/12/2011 13:24:35]我唔係冬天去架,我係09年5月時去,當時我係自駕,不過你預約酒店車接你冇問題,我今年二月住十勝第一 (同集團),佢有唔同大細嘅車,我記得去程坐架7,8人,第二朝去車站時坐架廿幾人,跟住仲去咗三余庵接客去車站。
    [版主回覆12/12/2011 10:55:23]原來你都住過細雪....你之前係咪搵佢車你, 架車是否得你一家人? 因見好多bloggers 都係自駕, 我哋冬天好少自駕...

    回覆刪除