2011年7月26日星期二

暑假新加坡之旅2011 (戰利品篇)

新加坡6日之旅話咁快就完了, 不過沒有以往去日本o既唔捨得... 天氣尚算不錯, 除了去環球片場那天落雨, 其餘時間都係天晴, um... 應該話係熱到........... 新加坡消費很貴, 以為可以去GAP 買番少許衫比小朋友, 可惜冇減價款又唔靚, 同日本的GAP真係差好遠,所以戰利品都好小。

酒店方面, Shangri-la Rasa Sentosa 超多人, 不過環境舒服, 另外Marina Bay Sands 同樣係人山人海, check-in 時更加係一肚氣, 返黎香港仲麻煩,  credit card 無段段被扣了錢, 最初酒店話係deposit, 之後又話我哋可能係酒店範圍的消費, 攪一大輪, 最後話係一晚房錢, 我地d房間都係package 包左, 點解要再比一晚錢? 事原之前老公問corporate rate 的時候比咗credit card 資料, 酒店話我哋no show, 所以扣錢, 但事實我地一早已經email 比佢地話唔會用個corporate rate, 明顯係佢地無check清楚就扣數, 所以最後酒店話refund, 但我哋就要找左卡數先喇。之前睇Tripadvisors 都知有好多負面評價, 但係為咗個Infinity pool 點都要一試啦, 睇返轉頭真係有d自討苦吃。總之呢間MBS的行政真係幾混亂, service 又唔係好, 我諗唔會有下次幫趁。

USS 買了少許小朋友衫 + chocolate




林志源必買的肉乾



同事叫買的梅糖@胡振隆, 老公話味道唔差, 不過我就覺得麻麻

Night Safari 買的記念品


有個好細的kitty 公仔送


Topshop 買的小手信



Charles & Keith 的鞋, 有30% off, 係新加坡品牌



比起我喜愛的Jelly Beans (made in Japan) 平, 可能係大陸做關係, 所以我估先可以咁平



好多地方都有shop, 經過Marina Sqaure 又買多一對



3 則留言:

  1. 哈哈. . . 真系唔系幾HAPPY . . .   消費系貴, 人又多呢兩樣. . . 無計  不過 MBS呢單嘢 . . . .就算即刻REFUND 都蝕咗匯率 . . . 2 BAD 同埋, 你連小朋友玩得開心定唔夠開心都無提. . .  返上日本啦
    [版主回覆07/26/2011 14:45:00]因為呢篇主要講戰利品, 其實小朋友去边都會開心, 大仔玩MegaZip + Segway 玩到好開心, 只係我miss Japan 乍, 下次都係返Japan 喇!

    回覆刪除
  2. 哈哈 . . . 大仔玩MegaZip + Segway  我舊年都有玩 . . .  Segway出沙灘 . . .真系好正  MegaZip 唔系咁貴都抵玩多幾次 . . . 一定有影相啦
    [版主回覆07/27/2011 10:21:00]MegaZip 真係幾貴SGD29 + SGD2 坐車上山, Segway 第一次玩, 玩咗3個round, 但係冇出沙灘, 屋企人想出灘都冇位, fully booked 喎!

    回覆刪除
  3. 我都係6月底去完新加坡...原本係去大阪+四國架... 地震後轉左機票... 都係日本最好玩, 新加坡真係什麼都貴... 仲有好悶..... 我都有住Marina Bay Sand, 係個泳池比較正..... 不過真係好鬼多人, 人山人海...
    [版主回覆07/27/2011 14:04:00]好多由日本轉咗去新加坡喎, 可能貪佢夠乾淨, 而且Sentosa 改變咗好多, 好多刺激activities, 不過我都係鍾意去日本, 但小朋友就去边都咁開心........

    回覆刪除