離開東尋坊就出發去今晚入住的旅館"芦原国際ホテル美松" (Tel: 0776-77-2600), 由東尋坊去大約15分鐘, 原本諗住去完東尋坊再去雄島大橋, 但由於天開始黑, 所以決定直接去美松。架車未停定巳經有個穿黑衫的叔叔行出來, 然後問我地是否xx san, 跟住check-in 完由另一位黑衫叔叔帶我地上房。
入到房間叔叔介紹另一位嬸嬸, 負責晚餐和早餐
茶水間右面係洗手間
房間不算大
休息一陣就出去行下
大浴場, 剛剛無人又可影張相
呢間的露天風呂唔係咁特別, 揀呢間旅館係因為有私人風呂及有個special plan, 小朋友唔洗錢入住(最多包2個小朋友)
是日晚餐
佢地成日起間房走來走去, 坐唔定, 大仔又同嬸嬸傾計, 但唔知點解又溝通到, 佢只識幾句日文咋, 可能用身体語言搭夠
個plan 包每人一包糖果
大仔話呢間酒店最好訓, 可能佢都係鍾意tatami 啦
謝謝分享
回覆刪除[版主回覆03/08/2011 18:05:00]唔洗咁客氣.
咦, 你呢晚有蟹噃 . . .得唔得 ? 個鍋物食咁少. . .唔系好得 ? 哈哈, 呢張有D似兩兄妹添 . . . 啊哥笑得好甜
回覆刪除[版主回覆03/08/2011 18:11:00]其實一個大人餐我係食唔哂, 個鍋影時係未食, 因要休息一陣先可再食, 而蟹應該係越前蟹(不過唔係yellow label 個隻), 都不錯.....細佬而家剪左頭髮, 應該唔會再比人話似女仔
小朋友唔收費 溫泉酒店喎! 唔收到幾多歲先! 間房都唔錯吖, 去關西的話又可以諗吓喎!
回覆刪除[版主回覆03/08/2011 22:43:00]好似包2個12歲以下,不過個plan唔係成曰有,咁啱我哋個曰係呢到,原本book 咗另一間冇私人風呂,見呢間個plan咁抵緊係轉呢間啦!
阿大同吳生一樣LIKE 日本野
回覆刪除[版主回覆03/10/2011 09:38:00]其實係因為父母鍾意所以小朋友都鍾意.....
大人多唔多野食? 淨系得台面個D? 細路唔駛錢都有野食, 好唔錯啊
回覆刪除[版主回覆03/10/2011 09:46:00]對我黎講好多, 有時大仔仲食得多過我, 佢可以食一碗拉麵, 我就會同細佬share, 不過呢個plan 唔係一樣一樣咁上, 一次過上晒(cheap plan 嘛), 呢個plan 仲包2支汽水, 最後都係食唔晒.....
呢間美松我都覺得d service 唔錯,上次有個識講普通話嘅女仔跟我地,我地間房有埋按摩椅,個model仲正過今次住嗰間阿寒鄙之座~
回覆刪除[版主回覆03/14/2011 18:12:00]房間有按摩椅應該貴plan, 我哋係普通plan 咋!