2010年8月4日星期三

沖繩+東京親子遊2010 (Day 2 - Part I) - 泊いゆまち + 首里城跡

July 4, 2010

今早約咗OTS來酒店接我哋去OTS とまりん営業所取車, 其實除咗呢個営業所之外就只有機場單位才有接送service, OTS staff 準時10:30AM 到, 有兩個staff來, 核對完資料後佢地就幫手搬行李上車, 之後就車咗我哋去DFS.... 原本plan 咗係OTS とまりん営業所取完車就去隔離的泊いゆまち, 依加係DFS取車,要揸番轉頭。

酒店的早餐9:30AM 完, 因想等細仔訓耐d, 唔想叫醒佢, 唯有放棄早餐,改去附近Family-Mart 買嘢食




OTS 接我哋的車, 都好大架, 坐得好舒服




排隊等辦手續




之後要經過DFS去停車場取車, 呢架係陪左我哋4日的Honda Insight Hybrid




大仔都有份驗車, 仲發現有地方花咗, 最後staff 教咗一陣點用GPS我哋就出發, 我哋揀咗日文地圖,英文發音




車尾啱啱好可放一個29吋大喼, 一個手提喼再加一架bb車




其實由泊車位行去泊いゆまち只係一少段路, 但係都已經曬到暈......

泊いゆまち TEL:098-868-1096







Yen1,000 三款, 不過只想食帆立貝同海膽







小朋友唔食得, 又唔想佢哋等咁耐, 所以最終只買了帆立貝同海膽, 諗住拿拿臨食完就走....(豉油要另外買) 因我唔食海膽, 聽老公話初頭幾啖海膽唔係咁好味, 可能有d冰未溶, 食落就好味好多




由於汽水機冇飲管, 於是我好快咁食完d帆立貝就帶小朋友上車搵飲管(之前已經帶定放係旅行袋), 順便開大個泠氣先, 等老公返來就出發去首里城 (最具特色的琉球王朝古都)

首里城跡 TEL 098-886-2020




去到首里城附近, 停車場好似full 咗, 可能當日係星期日, 行行吓有人揮手示意有parking, 於是咪駛入去囉, 嘩, 只見超窄斜路但唔見停車場, 停車問清楚佢話Yen500 兩小時+代客泊車, 由於逗留時間唔多, 小朋友又未食lunch, 於是乎就比Yen500 叫佢泊, 佢就比番張紙仔我地一陣取車用。由泊車處過馬路行少少斜路就到咗首里杜館, 館內有レストラン首里杜(すいむい)和カフェ龍樋(りゅうひ)兩間食肆,我哋揀咗首里杜餐廳。

首里杜餐廳在首里杜館一樓,提供沖繩風味料理




熱到巳經冇胃口, 老公只叫了豬耳同飲品




小朋友就各自叫了一份兒童餐




我只叫了細碗的沖繩拉麵, 點知細仔勁鍾意食, 反而個兒童餐就食得少少




食完就去守礼門(しゅれいもん)




呢張係唯一在首里城的全家福, 可能太曬, 細佬用個眼鏡盒遮住自已對眼,哎...佢有太陽鏡架同帽架, 不過佢寧願晒都唔肯戴...




之後準備行去正殿, 可惜途中比個守衛叫停左, 仲叫我哋睇吓個notice, 原來bb車係唔可以經歓会門(かんかいもん)上正殿, 要在另一個入口入, 結果又要行番轉頭, 當時其實巳經熱到溶, 兩個小朋友個頭已經濕晒, 大仔仲成日問幾時先可以上車, 細仔又好似好眼訓咁, 行到去另一個入口, 真係要嘩一聲, 條斜路長到睇唔到盡頭, 而且歷史文物呢家野真係唔太"好", 咪提議話不如上車走喇, 大家即刻say yes, 拿拿聲影多幾張相就返去拿車出發去Outlet Mall ASHIBINAA,嘆吓冷氣好過。







10 則留言:

  1. 莫講話小朋友,我哋大人都曬到頂唔順,有時想快D行完,快D返上車嘆冷氣。
    [版主回覆08/05/2010 10:18:00]可能好耐都未試過夏天去旅行 , 所以初頭行一陣已經頂唔順 , 之後好似好少少。

    回覆刪除
  2. 雖然我好嚮往陽光海灘, 北海道花田, 但我真系頂唔順個大太陽, 6月去韓國已經晒到痴左線, 我同傅小孩曬得耐就會敏感, 好煩
     
    個魚市場系唔系好細? 無咩行?
     
    你個細仔個樣成日都好似好多心事咁, 真系想同佢傾下偈, 有咩心事講比呀姨聽
    [版主回覆08/05/2010 14:29:00]唔緊要, 咪冬天去旅行, 不過北海道應該比其他日本地方涼少少。
    因我哋趕時間, 冇細心咁行, 相比北海道緊係細少少。
    我個細仔個樣成都好似諗緊嘢....唔知佢諗緊咩嘢

    回覆刪除
  3. 真係身同感受, 我哋係九州的天氣熱到溶, 都係相中的小朋友凈唔大雙眼.hehe..... . 你講得啱, D歷史文物呢家野真係睇個人喜"好", 我都有同D景點到埗後, 因天氣實在太熱, 全家人一致贊成做"快閃黨"走人.
    [版主回覆08/06/2010 10:19:00]其實都可以唔去睇歷史文物, 小朋友咁細都唔識, 有嘢比佢哋玩就得, 但首里城出名, 點都要去吓.....

    回覆刪除
  4. 每次見到人哋沖繩的相都好想去, 藍天白雲+清澈見底的海真係無敵...但好似你話熱到溶呢樣就令我遲遲無實際行動去。 如果好似你咁7月初去會唔會已經比較無咁熱呢? 另外如果對文化歷史無興趣, 唔去首里城係咪都唔可惜呢?
    [版主回覆08/09/2010 10:05:00]其實冇太陽, 黄昏開始都唔算太熱, 係中午比較熱。首里城係一個出名的景點, 點都要去吓影番張相, 揸車去都好方便。

    回覆刪除
  5. 我都係怕熱之人.. ha!
    [版主回覆08/09/2010 10:09:00]咁秋天, 冬天你先去旅行喇。 不過我個大仔9月開始返小學, 長的旅行prefer 放暑假先去, 所以都會熱到溶, except 返NZ or 去澳州, 咁會有個cold summer 喇..........

    回覆刪除
  6. 電占 豆豆 幸の旅日 World ^^2010年8月14日 下午12:31

    小朋友放暑假,夏天旅遊真係一個好時機!
    [版主回覆08/16/2010 09:50:00]絕對同意, 唔洗煩佢的功課, 測驗或是考試, 現在讀書真辛苦

    回覆刪除
  7. 個麵包超人兒童餐好可愛呀 !  不過妳兩個仔次次都好似對呢 o的兒童餐冇興趣,似乎佢地都係鍾意食「大人餐」多 o的
    [版主回覆08/30/2010 09:35:00]大仔去旅行食嘢都ok, 不過細仔就成日掛住玩唔食嘢, 除非佢真係好肚餓, 但係佢哋超級喜歡食雪糕.....

    回覆刪除
  8. 都話會熱到溶, 相信你依家明我講乜啦~
    [版主回覆09/06/2010 11:10:00]我已經完全感受到喇.......

    回覆刪除
  9. 我無去首里城,日日好似無咩行程,但又唔知點解無時間去.
    [版主回覆12/03/2010 17:14:00]我哋只係去咗一半首里城, 因為正殿都冇行上去~

    回覆刪除
  10. Hi!我今年暑假會去沖繩,並打算在OTS租車。第一天會住在國際通市內,我想問點做先可以要他們到酒店pick up我哋去攞車?我試睇過其網站有接送服務,但搵唔到邊到可以寫明pick up地點及時間。另外,你哋坐的士由機場往國際通要幾多錢呀?
    [版主回覆06/20/2012 16:00:19]飛名古屋, 然後去鳥羽,志摩,鈴鹿,長島....
    [TwinSister回覆06/20/2012 14:55:10]唔該晒. 咁你決定了暑假去邊度玩未?
    [版主回覆06/20/2012 09:55:01]上網填form 租車會有一項"您所希望的接送時間", 你揀所需要的時間就得, 仲要輸入您所住的飯店名稱(只限於那霸市內飯店)...坐的士唔記得幾多錢, 只記得司機行錯路, 10分鐘車程, 大約1000Yen...沖繩, 我都想再去!

    回覆刪除