好耐都未試過夏天去旅行喇, 諗深一層夏天去旅行其實有好處, 最明顯行李比冬天少一半, 今次出發前竟然可以將個細喼放入其中一個大喼裡面, 即係話出發時拎小一樣野...點知到達成田機埸時發現個大喼爆咗少少 (斷估係個大喼空得滯，承受唔到碰撞，但都諗唔到會咁易爆), 徬徨之際，咪走去搵ANA的地勤幫手，佢地竟然叫我留低名同地址，會幫我備案先，等我返到香港時聯絡番香港地勤，就會幫我維修番(咁都無咁驚...)，佢地跟住就用印左ANA logo既膠紙貼起個爆口度，唯有係咁頂住先啦。當日要乘9:45am 由香港去成田再轉機去那霸, 我諗唔會有好多人好似我哋咁傻 (唔搭直航走去揀轉機，仲要係走回頭路果隻), 因為唔想坐香港快運(可能係我偏見，覺得呢間航空公司唔太穩陣，同成日有delay/cancel情況... 題外話：港龍好似依加有直航, 但只限Thu and Sun 出發), 加上聽人講沖繩冇得shopping, 於是乎就選擇ANA 玩完沖繩陽光與海灘，再血拼東京。
今次資料只帶一本書同一份map, 其餘就print 出來
Kid's meal
大人餐
細仔對朱古力比較有興趣
ANA 送的小朋友禮物 (雖然CX 的service 冇ANA 咁好, 但CX 的禮物好好多)
大仔話要帶埋佢哋去旅行
就快到成田喇
攞行李時發現個大喼曝咗, 最後要用膠紙頂住
攞完行李再行過隔離, ANA 有個細counter比轉機的乘客check-in, 攪掂後就出番去個terminal 搵嘢食, 由於時間不多, 所以搵咗間有飯有麵既, 因為細仔要食飯架
又驚佢哋係機上肚餓, 於是去麵飽店買定d乾糧
Domestic Terminal
機上印有龍馬傳的logo, 不過太高影唔清楚, 呢班機可能起成田開, 所以有80%以上都係外國人(由第二度轉機去沖繩)
去程內陸機冇免費飲品提供, 要比錢買
內陸機的禮物
終於到達那霸, 班機起成田遲咗30分鐘先開, 有保安上機倉, 唔知做咩, 令我哋最終遲咗20分鐘先到達
一出機場就搵的士去酒店, ＧＲＧホテル那覇東町, 個司機竟然唔識路, 兜咗一輪先搵到, 酒店lobby 唔係好大
房間都算大, 呢種房全間酒店只得4間
附近有間FamilyMart, 酒店後門行過去1分鐘, 幫小朋友沖完涼就去買宵夜
終於出遊記啦，好期待呢 ! 去年暑期已想去沖繩，向Travel Agent查過訂海邊酒店價格後，要成4千多一晚(for 2大2小)只包早餐，太貴了所以打退堂鼓。而且我跟你一樣信唔過香港快運D航班。估唔到個大喼又會咁兒戲嘅，好彩只係爆咗少少不駛報銷。你後來返港香港地勤有無幫係整番。
回覆刪除[版主回覆07/29/2010 17:08:00]我都好期待你的九洲遊記。
講真我突登早d在7月初去, 因7月中的酒店超貴, double 我7月初的價錢。之前有2個Samsonite 的喼, 用咗好多年個碌先壞, 所以平嘢冇好嘢, 依個用咗2-3次only。返到香港地勤叫我哋返屋企等電話, 會安排上門收喼拎去整, 大約個幾星期後通知我哋整唔到, 會換一個新的喼, 同之前個差唔多, 仲有得揀hard shell or soft material, 我哋揀番hard shell。 依加仲等緊未送來, 因要個款colour 要等耐少少。
我都好想八掛吓你個喼,返HK後佢哋點様処理?
回覆刪除[版主回覆07/29/2010 17:09:00]返到香港地勤叫我哋返屋企等電話, 會安排上門收喼拎去整, 大約個幾星期後通知我哋整唔到, 會換一個新的喼, 同之前個差唔多, 仲有得揀hard shell or soft material, 我哋揀番hard shell。 依加仲等緊未送來, 因要個款的colour 要等耐少少。
咁樣飛成田再落沖繩, 前後要幾多個鐘?
回覆刪除香港航空, 我只可以講, 無事就無事,service 都合格, 但有起事上哩, 佢地應變能力勁低.
[版主回覆07/30/2010 11:40:00]HK --> Tokyo, approx 3.5 hours, Tokyo > Okinawa approx 2.5 hours, 基本上坐多3個鐘....
如果咁啱比你撞正佢地有問題, 咁就弊喇, 隨時連過行程都要泡湯, 不過都係我的偏見, 那些喜歡HK Express 的請見諒!
原來你也去了沖繩。 7月是很適合去沖繩的季節。
回覆刪除[版主回覆08/03/2010 14:06:00]去沖繩, 7,8月係最好的季節, 所以呢個period 係high season......
其實去東京轉飛幾好 , 去邊到都好方便 , 如果是零晨機仲好(不過要捱zzzz) . 現在10月尾冇jal,ana好唔方便,有cx都冇用!
回覆刪除佢肯換嗰喼比你又幾好....近排 沖繩 勁hit 呀!好多同事都話來年去
[版主回覆08/16/2010 09:47:00]零晨機未坐過, 因要捱zzzz, 所以唔揀, CX 都可以揀JAL 內陸機, 好過冇啦。巳經收到個新喼, 正過之前個喼。沖繩真係好hit, 我地年頭決定去時都未咁hit, 年中的時候勁hit, 所以明年夏天一定勁多人去....
請問你的機票係點樣book?因為我都打算玩沖繩+東京~~但機票就有點頭痛唔知點book好~~
回覆刪除THANKS ^^
[wing ki回覆02/26/2013 01:46:41]好的~~唔該曬你^^
[版主回覆02/25/2013 09:55:15]Agent 可以代訂內陸機, 你可以去check 吓, 不過我地當年係買機票而唔係package....
[wing ki回覆02/24/2013 16:48:47]內陸機要如何book?直接上航空公司網站??不知旅行社有沒有這種package呢..
我打算6月左右去呀^^ THANK YOU~~~
[版主回覆02/22/2013 09:58:06]當時有問過HK -> Okinawa -> Tokyo --> HK, 但好貴, 所以無辦法飛咗上Tokyo 先, 然後再落番沖繩, 咁樣就計香港來回東京再加內陸機, 你打算幾時去呀?