2010年5月11日星期二

沖繩+東京親子遊2010(準備篇)

2000年哥哥同王菲拍咗套<戀戰沖繩>, 睇完就好鍾意個地方, 果度有藍天白雲, 美麗海灘, 如果楂住架車自駕遊周圍去就會真係好正(當時係咁諗), 同埋好想入住佢哋拍攝的酒店"ANA Intercontinental Manza Beach Hotel" 。所以今年年頭就決定夏天同小朋友一齊去, 問題係只有香港快運有直航, 由於呢間航空公司過往記錄唔係delay 就係cancel flight, 覺得唔太可靠, 於是就諗JAL or ANA, 但要轉機同坐多幾個鐘(機程由兩個幾鐘變成六個鐘以上), 不過就可以停東京, 唔理咁多...hold 咗ANApackage 機位先。 過咗一排, 又收到消息話港龍5月開始有番直航, 可惜只係得團体票同週四週日先有機, 仲係機票一係5天或8天, 加上好似做到6月尾, 咁多不利因素之下,最終選擇了ANA。ANA 個沖繩package唔係咁多酒店選擇, 所以乾脆淨買機票罷了。

市面上唔係好多旅遊書講沖繩, HERE PLUS 仲係停留於2006年版, 呢本書係舊年搭人於台灣買, 不過景點資料都ok喎。




Next: 行程篇

16 則留言:

  1. 陽光+海灘,而且仲係你鍾意去的日本境 ~ 正呀!  一定要去水族館睇鯨鯊呀! 個個都睇到"嘩嘩"聲架 ~ Highly recommend! (嘻嘻! 諗番自己上年10月去完到而家都未寫完啲blog....真失敗! )
    [版主回覆05/11/2010 14:17:00]你快d寫等我 for reference ma. 其實我不是太鍾意水族館, 不過要帶小朋友去見識吓...

    回覆刪除
  2. 你又去日本呀?暑假?
    哈哈!我都book了機票於暑假再去東京呢!大家果然都是哈日族呢!
    [版主回覆05/11/2010 14:20:00]比暑假早少少, 係7月頭, 要避開貴機票嘛, 又要避開沖繩的超旺季, 7月頭開始的 resort會貴少少, 到7月中就超貴, 所以要早少許出發

    回覆刪除
  3. 哇.......你又去, 真系好, 你老公請假都容易? 如果傅生都容易請假就好lu, 暑假系我地無可能一家去玩的, 玩得開心d
    [版主回覆05/11/2010 14:27:00]其實舊年summer想去, 不過返咗去N.Z., 都唔係去好長日子, 所以老公請假都冇問題, 現在可帶Netbook, blackbeery .... 所以都好方便。仲有大仔就黎番小一, 都唔知第日的schedule點, 可能假期要溫書, 好驚冇得去旅行......

    回覆刪除
  4. 我個仔仲等緊六合彩大攪珠, 都唔知到是派唔派到我想去個間小學, 不過都做好準備去拍門lu, 我個仔又唔怕醜, 面試應該無問題掛
    [版主回覆05/11/2010 17:53:00]你個仔好smart 同唔怕醜, interview 一定無問題, 因通常收唔收都睇當時的表現。我哋舊年10月register 咗2間直資, 現在留番一間, 唔等大攪珠, 因區內不是太多好學校, also 好多冇中學, 晤想小六又要煩一次搵中學。

    回覆刪除
  5. 我都有諗過去沖繩, 都係因為唔想坐HK Express, 計劃過去台灣+沖繩 或 九州/大阪+沖繩, 不過最後係北海道。 咁你ANA的package停那一個日本城市呢? ANA Intercon.有無得同小海豚玩遊戲呀? 我都係對個水族館一般, 反而那個室外遊樂場好似好好玩!
    [版主回覆05/12/2010 09:24:00]ANA package 包2晚酒店, 只有2間那霸酒店+2間resort: Renaissance and ANA Intercon., 但係唔想住果2間那霸酒店, 又唔想2晚住同一間resort, 所以只買東京機票+Domestic ticket.  其實日本那個城市都得, 只要有機去沖繩就得。ANA Intercon 係冇得同小海豚玩遊戲, 應該Renaissance 先有。

    回覆刪除
  6. JP TIME TV有網上重溫. 有2集去沖繩. 不妨睇睇參考吓.
    http://hk03.infolinknet.com/rxr.hk/081101wo/top_chi.html
    http://hk03.infolinknet.com/rxr.hk/081108os/top_chi.html
     
     
    [版主回覆05/12/2010 09:25:00]十分多謝你提供的link, 最近冇睇JP TIME TV, 之前有睇, 因追睇北海道。

    回覆刪除
  7. 但係飛上東京又飛番轉頭會唔會用多好多時間呢  不過我都係ANA fans... hor hor.... 沖繩正呀, 我都好想去
    [版主回覆05/13/2010 09:41:00]係呀會用多咗時間, 不過冇辦法, 之前都有hold HK Express 的機位, 不過最後都放棄佢選擇ANA。其實我第一次搭ANA, 去咗咁多次日本都係搭JAL/CX, 要儲mileage嘛, 所以最近apply咗張ANA visa card。

    回覆刪除
  8. 梅花航空都去沖繩,不過要停台灣. 我都剛剛同朋友考慮中會唔會暑假去呢樹. 如果成,大家可以交流吓嗎?
    [版主回覆05/13/2010 09:49:00]緊係可以交流啦, 我想你哋一定會鍾意沖繩, 我見你地舊年summer 都有玩浮潛, 不過我d仔仲細, 只會去泳池/海灘游吓水.....我個行程寫得差唔多, 遲d post 出黎。

    回覆刪除
  9. 嘩 ~ 你都好快喎 ~ 我個大阪都未去, 你已經要去第二次日本. 勁呀 !
    [版主回覆05/13/2010 18:16:00]上次都成半年前架喇, 你準備好大阪行程未呀?

    回覆刪除
  10. 你一家人可以用Family A/C儲ANA mileage, 另外, 我記東京飛沖繩有比卡超飛機, 你可以揀個班機呀
    [版主回覆05/13/2010 18:19:00]多謝你提點, 我已經同2個仔仔apply 咗ANA Mileage Club。想問個Family a/c 是否要換award 先register 架? 要填form and deduct 1000 miles wor.

    回覆刪除
  11. 其實未換飛之前可以唔register住既, 因為有時promotion會waive 個1000哩手續費, 等下睇下有無promotion, 或者叫齊d親朋戚友先一次過register lor...
    [版主回覆05/14/2010 10:13:00]咁要等吓promotion 先喇~

    回覆刪除
  12. 電占 豆豆 幸の旅日 World ^^2010年5月13日 下午11:23

    嘩~沖繩呢個時間去正 , 我地希望有日可以去到 , 不過可能首選轉機方法
    你屋企真係好旅遊書
     
    [版主回覆05/14/2010 10:18:00]我都唔知是否咁正, 唔知會唔會落雨。其實巳經掉了很多剪報同旅遊展拿的資料, 不過又喜歡買旅遊書, 仲勤力過以前讀書呀! 

    回覆刪除
  13. 幾年前 7月去過, 熱到溶....
    不過點都係夏天去先好, D 海水真係好靚架
    [版主回覆05/14/2010 10:21:00]有咗心理準備會熱到溶, 有咩方法冇咁熱? 5,6 月是雨季, 7月又熱到溶, 其實會唔會9月10月去好d呢(冇咁熱)?

    回覆刪除
  14. 我覺得唔好比香港 D 死人旅行社誤導,其實即使係日本人,都只集中 7-8月去。
    好彩大家都係自駕,一上車開恆冷氣都頂得順。全日本冷氣開得最勁亦係沖繩,連酒店電梯裡面都有冷氣,o甘你話有幾熱?
    最緊要幫小朋友搽強勁 SPF50+++ 太陽油,仲要不斷飲水,唔係真係好容易暈低。當然在戶外即使異相都要拎遮~
    [版主回覆05/14/2010 12:14:00]好感激你的有用資料。連電梯都有冷氣, 真係熱到溶.......可能要買定個sun shield 比架車, if car park outside ~

    回覆刪除
  15. 影多D靚相回來
    [版主回覆05/17/2010 11:21:00]希望到時唔好落雨 ~

    回覆刪除
  16. wa.....好呀!!!個度好靚呀~~~~好想念星星沙....剛有朋友帶左個邊D手信黎比我...D餅好好味....可惜食晒無影到相^^"
    我見我同事搭香港快運都好好喎~~~~~個位極寛落!!!
    [版主回覆05/24/2010 09:59:00]我都好期待, 有咩手信一定要買架?

    回覆刪除